好多女仔都會好似我咁,好怕啲好笠嘅護膚品,但又希望保濕度可以強啲,我搵咗好多年,終於畀我搵到一枝又啱自己皮膚,保濕度又高,又防敏感嘅爽膚水啦! 呢枝Avène 淨肌控油爽膚水我喺sogo thankful week買嘅,不過因為屋企太多護膚品未用晒,所以依家先有機會試佢!當時我係set裝咁買,連埋個高效保濕水漾乳霜同Avène嘅皇牌抗敏活泉水,都係$220咋,所以各位姐妹如果真係想試,我都強烈建議你哋喺sogo thankful week入貨,因為真係差唔多平一半有多㗎!當然,你哋都可以喺萬寧同屈臣氏嘅指定醫學美容專櫃搵到佢㗎。 喺依家呢啲秋涼嘅天氣,佢嘅滋潤程度簡直fit晒我呀!一搽上面,佢啲精華仲會停留喺面一陣,但只需要輕拍或者按摩幾下,佢就可以完全吸收。因為我有鼻敏感,成日呻鼻水呻到個鼻甩皮,用咗佢甩皮嘅情況都可以有所改善。有幾日濕度比較高嘅天氣我都係用佢,但都完全唔會笠。如果化妝上粉底前用,個妝都會貼服啲㗎!試過落妝後皮膚有泛紅嘅問題,但一用完佢,就立即降紅,皮膚都有注滿水嘅感覺。 以上純屬個人分享,效果會因人而異。 Instagram:miki.dreamland Facebook: miki's dreamland