[帶男朋友覓食記] 見男朋友咁乖肯陪我食飯,就帶佢食下好嘢啦。睇食評見到村爺爺唔洗一百蚊就可以食龍蝦泡飯,咁就緊係要嚟試下啦。店內環境有小小迫,但係我哋都有拎袋,所以唯有攬住個袋食飯啦! 叫咗村爺爺嘅招牌殿.龍蝦湯海鮮泡飯($98)同埋花膠干貝雞件龍蝦湯泡飯($78),補補我啲骨膠原BB,一見到個龍蝦湯海鮮泡飯,我哋就即刻流晒口水啦,98蚊有半隻龍蝦、一隻扇貝、三至四隻青口同埋食唔晒嘅蜆,真係抵到爆呀!! 我哋都係鐘意飲個湯,都唔洗我多講,咁多海鮮,個湯就緊係鮮甜到爆啦,我地係咁搶住嚟飲:D 個花膠干貝雞件龍蝦湯泡飯其實都唔差,啲雞件件都好大舊,又有大量干貝,但我最期待嘅花膠BB就得一舊,係米我太貪心,哈哈,不過我哋蠢咗,個湯叫咗少辣,cover晒啲鮮味,所以大家千其唔好學我哋咁傻豬呀 評分﹕8/10 地址: 油麻地砵蘭街72號地下 (油麻地站 A1 出口) Instagram:miki.dreamland Facebook: miki's dreamland