記得啱啱同男朋友一齊嘅時候應承咗佢,每年佢生日都會親手整生日蛋糕畀佢。記得第一年我就整咗個甜到爆,啲材料又未完全攪勻嘅朱古力蛋糕畀佢,不過男朋友知我係第一次整蛋糕,所以都好畀面咁食晒。 第二年當我知道男朋友係士多啤梨控,所以我就決定可以畀自己懶啲,每年都整士多啤梨蛋糕畀佢就算,廢是諗咁多:D加上我屋企冇焗爐,可以整到嘅款式真係唔多。好記得呢年喺製作嘅過程中發生咗一個令我畢生難忘嘅工業意外 -個打蛋器無啦啦「啪」咗一聲,仲出埋煙,好彩我冇受傷。而個次個蛋糕唔知點解凝固唔到,徹底地fail,所以唯有好浪費同埋好心痛咁掉咗個蛋糕。 第三年終於畀我半成功咁整到個靚靚士多啤梨蛋糕啦,但點解係半成功呢?就係因為好神奇地個餅底同個餡係分開咗兩層,不過都叫有進步啦,哈哈! 經過屢次嘗試,今年我終於成功啦!!!yeah!!! 今年我用咗個好聰明嘅做法,將剩底嘅oreo餅碎同士多啤梨交畀男朋友自己diy蛋糕面,因為我真係好怕喺我拎嘅時候會走位。而男朋友亦表示,有得自己參與製作,覺得個蛋糕特別好味xDD 整蛋糕真係一門高深學問,不過為咗令男朋友開心,我覺得係值得嘅,可能遲啲會買個焗爐,可以整多啲甜品! Instagram:miki.dreamland Facebook: miki's dreamland