呢個年頭, 要找一間好美容院仲難過中六合彩。入到去唔係手勢唔好就係太hard sell。 點知早排見modern beauty有電光槍試做,話曬係韓國新機就膽粗粗試下。

坐低等入房,可以食餅乾、花茶解悶,唔錯!

本身對Modern beauty都印象麻麻,sis都話連鎖式嘅會逼你買package,所以今次上去試做我做足準備,手袋、銀包、信用卡通通唔帶,淨係袋住100蚊。點知真係冇諗過服務會咁好,好驚喜!

估唔到間房幾大,唔會好局促,環境都舒服

入到房,美容師就幫我洗臉,針清,同修眉。之後就開始用機,佢做得好足,用支槍打全面,確保塊面每個位都打到,之後換個電熱頭再打全面,最後到電冷頭,足足3個頭做,真係好專業!

今次就試呢部機喇

美容師做緊嗰陣都有sell我,但我reject之後佢就無繼續,仲開始同我傾計,同出面傳話會hard sell好唔同,好意外!(P.s. 當時個腦仲諗緊如果佢繼續sell講咩好 XP)

做完無催我走不特止,仲叫我慢慢換衫,唔好漏嘢

最後佢幫我敷個面膜就完成了。佢仲幫我塗了眼霜、面霜,非常貼心。

This entry was posted in 美容療程 and tagged , , . Bookmark the permalink.