星期六路經旺角SHOPPING,人太多,心裡都好驚比人推撞,行到旺角西洋菜南街,又肚餓,決定搵個地方食飯避一避,在旺中對面,見到有間<<番本日式放題>>,上到去6點15分左右,因為時段早,人流未算很多,不用等位麻,到了直入就可以。最重要係呢個時段最平=D 原來加多50蚊仲可以升級食多7種貴價野,都算吸引,不過因為小弟因為預算有限,所以都冇升到級。 相信大家食放題,第一樣"剔"既食物一定係剌身,睇下我叫左幾多樣,三文魚,八爪魚,希靈魚,甜蝦,吞拿魚,螺片,赤具,冰山貝,正到爆。只可惜三交魚係厚切,好容易食到厭,再食唔落去。 再黎一隻黃金焗蠔。面頭鋪了一層芝士,吃下口感軟滑,很客易會被芝士的煙韌迷倒。 海蝦串也不錯,不過略咸。 炸雞軟骨粒,香及脆,口感唔錯。 雞中翼就係我最愛,雞皮烤至香脆,雞肉好易入口,小弟一人就食左最少6隻,哈哈 軍艦類都唔錯 like左FACEBOOK 送的特大赤蝦刺身!正!! 甜品方面,小弟就揀左雪米茲同雪糕,係咪好食得,哈哈。 飲品方面亦不少,汽水可樂基本的都有,最愛這裡的菊花茶,可以清清熱氣呀。梅酒都好值得推薦。 最後,值得一讚是服務員每個都臉帶笑容,收碟及加水神速,最重要係成餐飯都冇漏單。所以強烈推介比大家一試。 ------------------------------------------------------------------------------------- 免責聲明:以上文章純屬筆者對於以上產品的個人感覺, 而效果乃因人而異, 如需協助或獲得更多產品資訊,請直接聯絡該品牌查詢或∕和尋求相關專業意見。 ***歡迎合作聯絡合作,產品、食品、穿搭分享: dickyso3213@yahoo.com.hk