呢兩年澳門有兩三間好出名既自助餐,其中有D更話要早兩個月訂位先有得食。 今日就黎試下其中一間好出名的<<名廚都會>>,位於萬豪酒店一樓。 因為驚真係好FULL,所以網上訂左位先,周末價成人及長者每位澳門幣578元,3至11嵗小童每位澳門幣279元,再加上10%服務費,其實都唔平。 坊間有好多旅行社又或者網上平台可以平$50-80一個人,但就有時間限制,例如6-8PM又或者8:30-10:30PM。 如果好似我現場付款的話就可以由6PM食到收檔為止,所以要睇自己的需要喔。 個場都算大,而且都坐得幾舒服,收垃圾都好快,值得一讚。我地六點15分入場,好快就坐得FULL FULL的。 先到海鮮吧。最搶手的一定係開邊龍蝦同麵包蟹。不過酒店都fill得好快,所以唔使驚食唔到。 龍蝦今次成功挑戰左4隻,有一半數量有膏,夠鮮甜。 <<刺身>>都係重要既一環。 當晚有北寄貝、三文魚、油甘魚,八爪魚及阿根庭紅蝦。 <<刺身>>都非常鮮甜,紅蝦勁大條。 生蠔當然唔少得,是法國生蠔,雖然唔大隻,但都幾鮮甜。 麵包蟹都唔錯,但就要係咁拆殼,食得麻煩D。 壽司都唔少得喇,不過我自己食助餐同放題都唔會食,因為太易飽。 另一樣期待的就是<<片皮鴨>>,聽聞係由全聚德請師傅過來的。 師傅會幫你包埋薄餅及配料先遞畀您。 <<片皮鴨>>要趁早食,凍左會有苦味或膻味。不能不讚燒味部的燒豬,豬皮勁脆。 食左咁多樣野,先回一回神。原來呢度既沙律吧設計都幾特別,放哂係玻璃櫃入面。 麵檔 <<蟹鉗>>可能蒸成晚,所以食落有點過份的乾。 另一個驚喜位係粥檔,因為材料有飽魚肉及鮮蝦肉,而且十分鮮甜。 食自助餐另一樣野我唔會點食的就是熱盤,所以都係行過。 點擊圖片放大 +4 湯品都有兩種 另一驚喜位係佢呢度有香港茶餐廳奶茶。仲有果汁及飲品係任飲。唔似香港咁只包一杯餐茶 果汁有橙汁,柚子汁及蘋果汁。 仲有茶包沖來飲 跟住就去食甜品,不過我就覺得失望,因為款式少,對我黎講又唔吸引。 原本呢個價位以為有哈林達斯雪,點知冇,得返乳酩雪糕食。如果喜歡的絕對會覺得好抵食。不過如果酒店可以加返D TOPPINGS就會好D。 有朱古力,雲呢拿及草莓三種口味。 最後來到水果,全部放係玻璃雪櫃,有六種提供。 最欣賞係橙,呢個切法比較少地方會咁做,入口啖啖肉。 食到最後食先發現冇長腳蟹食。 [走進澳門] 拍拖好去處 @永利皇宮2017https://goo.gl/bFvxBs [走進澳門] 拍拖好去處 @黑沙水庫踏青踩船仔2017 https://goo.gl/bSYjjK 澳門搵食 [路氹] 名廚都會自助晚餐2017https://goo.gl/1E6na1 澳門搵食 [沙梨頭] 六記粥麵2017 https://goo.gl/vC47FK 澳門搵食 :[官也街] 中心咖啡美食2017 https://goo.gl/wX22oH 澳門搵食 :[沙梨頭] 楊枝金撈甜品2017 https://goo.gl/dft7Dh 澳門搵食 :[沙梨頭] 六記粥麵2016 https://goo.gl/CKFasN 澳門搵食 :[百老匯大街] 度小月2016 https://goo.gl/Oj5k4I澳門美食 :[百老匯大街] 華生行 https://goo.gl/QsSeNU 澳門搵食 :[百老匯大街] 皇冠小館2016 https://goo.gl/jE31Rq 澳門搵食 :[澳門巴黎人購物中心] 1983 A Taste of Nanyang 2016 https://goo.gl/jNrS53 澳門搵通: [超低金光飛航優惠]:2017 https://goo.gl/m49j ------------------------------------------------------------------------------------ 地址:路氹城「澳門銀河™」綜合渡假城澳門JW萬豪酒店1樓 電話: 8886 6228 免責聲明:以上文章純屬筆者對於以上產品的個人感覺, 而效果乃因人而異, 如需協助或獲得更多產品資訊,請直接聯絡該品牌查詢或∕和尋求相關專業意見。 ***歡迎合作聯絡合作,產品、食品、穿搭分享: dickyso3213@yahoo.com.hk FACEBOOK: https://www.facebook.com/dick-6193303130/?ref=hl