巨型彈床「彈彈雲公園」

跳彈床,對於小朋友來說,係一項非常好嘅活動,不但鍛鍊心肺功能,仲可以訓練平衡力、手腳協調,對身心都有益。

D·PARK 愉景新城,打破一般遊樂場嘅「公式化」設施,將巨型彈床帶入商場,再結合公共藝術,光線從天窗透入,打造夢幻彩光嘅「彈彈雲公園」。

場內有三個唔同高度嘅「彈彈雲」,適合不同年紀小朋友玩樂,甚至大人都可以陪小朋友一齊盡情蹦跳。彈彈雲斜坡仲可以當滑梯,唔再係傳統嘅滑梯模樣。

「百變記憶雲 Puffy Wall」由千條軟棒組成,可以創作自己嘅手形及人形倒模。

「夢幻泡泡屋」有多個泡泡隨風飛動,小朋友可以捕捉泡泡,測試一下敏捷度。

「琉璃水雲間」,抬頭望望,光線穿過水雲間,將七彩光線折射到公園每一落。

「幻彩庭園」係呢個聖誕必去嘅打卡點,亭頂嘅肥皂泡,映襯著彩光,變得閃耀又夢幻。

配合今次主題,旁邊嘅親子餐廳 Donut Cafe 推出彈彈雲套餐,當中嘅彈彈雲香橙特飲,以棉花糖模仿白雲,好飲又得意。另外,聖誕就快到,亦推出多款聖誕美食,Donut Kitchen 亦有聖誕親子班,同大家一齊整聖誕曲奇同蛋糕。

更多詳情可參考 D·PARK 愉景新城專頁

【彈彈雲公園 Puffy Park】

日期:2019年12月7日 至 2020年1月5日

時間:星期一至五12pm-8pm,星期六日及公眾假期11am-9pm (特別時段 12月23至27日 11am-9pm)

地點:D·PARK 愉景新城 L1

參加方法:登記 DP Club 會員 及 為小朋友登記 Donut Kids Club 會員;讚好「DPARK愉景新城」及「Donut and Ah Meow」專頁

This entry was posted in 好去處 and tagged , . Bookmark the permalink.