這天忙裡偷閒,難得到上環,參加完博客活動後Daidai便到了上環西港城的 【東京ミルクチーズ工場】TOKYO MILK CHEESE FACTORY 朝聖! 我是芝士狂迷,連皮皮都一樣超愛芝士,所以今次一次過買了三款芝士東西回家,與最心愛的人分享! 前兩個月明明是日日大排長龍,這天來就不用排了...其實西港城...真係好靜局,在平日的下午沒太多人啊~`~ 全店只有四款產品售,分別是海鹽芝士曲奇、蜂蜜芝士曲奇、牛奶芝士餅和艾登芝士蛋糕~ 我選了頭三款來吃吃~~ 海鹽芝士曲奇和蜂蜜芝士曲奇可以買套裝 ($153各一盒),這樣化算一點。 回到家,當然由我的寶貝仔皮皮開箱啦! 皮皮知道有芝士餅食開心到飛起呀!!! 海鹽芝士曲奇、蜂蜜芝士曲奇 各一盒,每盒10片,包裝的紙盒好美,吃完後可以留來放雜物玩具~~~ 先吃蜂蜜芝士曲奇~~是橙色貼紙封口。 點擊圖片放大 是薄薄的兩片曲奇,中間夾著一片完整的芝士~~ 為食的皮皮邊吃邊說好好味呀~~~ 皮仔又食家上身:「媽咪,好好味呀!!! 塊曲奇四方形好靚好齊整呀! 芝士都係齊齊架! 白雪雪架! 唔~~~ 真係好味!」 啫係呢~ 皮仔真係好咀雕架!!! Daidai小評: 開頭感覺好白之戀人feel,蜂蜜味食落幾香甜,中間片芝士真係好正,夠厚度! 芝味香濃,食完一片會不停口番食.....! 跟著吃 海鹽芝士曲奇~ 是藍色貼紙封口。 高級的日系包裝,未打開包裝紙已經感到好好吃! 薄薄的曲奇夾著完整一片的芝士,真是很美啊! 海鹽芝士曲奇芝士味更突出! 少少鹹加少少甜,味道原來好夾! 又是吃不停口! 香濃的芝士味沒半點甜膩,太好食了! 皮仔又食神上身! 不停大叫好好味呀~~~超開心的! 這兩盒曲奇實質我每口味只吃了兩片,其餘大部份都是皮仔食哂.... 當晚爸爸回家,皮皮第一時間分享曲奇給爸爸食! 爸爸好像每盒只吃兩片咋...哈哈! 爸爸都說很好吃,怎麼皮皮吃咁多架....鳴鳴@@ 下午茶吃過曲奇,晚上飯後甜品我們便開封「牛奶芝士餅」$180~~~ 我和皮皮邊拆透期待,包裝真的很美很細緻啊~~ 嘩!!!! 嘩!嘩!嘩! 芝士蛋糕呀~~~ 一啖食落口! 真係要大嘩一聲!!! 真係超。級。好味呀~~~~ Cream Cheese好軟棉棉~ 很香濃,不太甜,一人食四分一件都唔會漏,而且仲想食多件!!! 上下層芝士都不同,一個蛋糕有齊雪糕、moose、蛋糕三重口感! 包著芝士餅有片超薄的雞蛋薄皮,軟軟的很好吃! 皮皮邊吃邊感動似的說:「好好味呀!」~~~ 皮爸說從沒有吃過咁好食既芝士蛋糕!!! 然後雙雙的對我說:「多謝媽咪帶D 咁好食既芝士蛋糕比我地食!」 還送一個抱抱~~~ 這就是幸福的味道! 芝士餅很甜,也不及心頭的甜! 真心推介級愛芝士的朋友~ 下次試埋另一款艾登芝士蛋糕! SWEET :) 【東京ミルクチーズ工場】TOKYO MILK CHEESE FACTORY 地址: 上環西港城地下4-6號舖 電話: 60109635 營業時間: 12pm - 9pm 關於daidai & pipi: Daidai & pipi 的快樂魔法 博客: Blogspot . MyBB.com.hk星級Blogger .ohmykids Beauty Exchange . she.com . elle . WeShare . ubeauty . 88db instagram:daidaipipi http://instagram.com/daidaipipi/ 微博:http://weibo.com/daidaipipi email: yuijoan@gmail.com