Daidai媽媽我真係極少機會和朋友食飯,今晚終於可以放監跟好友食餐好既!朋友仔提議正斗(圓方店),平日容易搵位,我搭車又方便,所以放工過來一齊食飯! 我地5個人,叫左9樣野食,其中有幾樣係點心,所以都食得哂! 正斗香妃雞(半隻) $140 香妃雞都幾嫩,皮又滑,又入味,幾好食,半隻份量好足~ 薑汁炒芥蘭 $85 感到師傅好有心機磨薑汁,因為條條菜都有薑汁味,芥蘭又爽口,個個都中意食,好快清哂! 乾炒牛河 $105 嘩!影相都影到金黃色~好靚呀!實際都好黃金,而且我欣賞佢每條河粉都一條條,冇痴實,條條都平均沾上老抽生抽,牛肉鬆化不韌,唔太油膩,真好吃! 正斗鮮蝦雲吞麵(小) $40 細蓉是這裡的招牌菜,蠻喜歡幼麵彈牙爽口,沒有梘水味。 雲吞一口食哂,啱啱好,雖然細細粒,但內裡有整隻蝦,很爽口;雲吞皮薄薄的~ 香油條腸粉炸兩 $46 炸兩好食呀!脆卜卜!腸粉皮又薄~要趁熱食,如果放涼了油條就不好吃。。。這碟很推介,真心好好味,很出色! 鮑魚雞三絲粥 $158 非常足料,啖啖雞、鮑魚絲、冬菇,粥很綿,味道濃,略厭稍鹹一點,整體很不錯。 黃金流沙包 $34 流沙包堅流,小心燙口~包包很軟熟,記住要趁熱食呀! 流汁叉燒包 $34 叉燒包都很不錯,足料叉燒,不膩,而且愛它沒肥豬膏~ 甜品是杞子桂花糕 $30 意外發現桂花糕內有雪耳,多重口感,而且桂花糕整很好靚,桂花分布很平均,我們幾個女子都大讚,仲研究回家能否整到咁成功既桂花糕添!(的確有難度呢~) 小評: 真係好耐沒有跟朋友食返餐,今次正斗令我很滿意,食物有水準,服務也不錯,待應會常加水和換碟子,也提議有乜好食,下次去圓方行街,可以帶家人來嚐多次! 正斗粥麵專家 圓方1080-82號舖 Openrice 食評: http://www.openrice.com/restaurant/commentdetail.htm?shopid=104615&commentid=2523790 關於daidai & pipi: Daidai & pipi 的快樂魔法 博客: Blogspot . MyBB.com.hk星級Blogger .ohmykids Beauty Exchange . she.com . elle . WeShare . ubeauty . 88db instagram:daidaipipi http://instagram.com/daidaipipi/ 微博:http://weibo.com/daidaipipi email: yuijoan@gmail.com