[升小大作戰] 書枱篇。IFCO DECO兒童人體工學升降成長桌椅 時間真係過得好快,有小朋友的時光會更快流逝,皮皮升上小學一年班啦! 呢個暑假我地同皮皮去左好多地方玩,時間好像不夠用似的,而且升小學要有好多準備,校服、書本、午膳和日用品等安排,周圍找合適的用品,花了不少時間和費用啊。。。 而家中最大改變便是加了一張正正經經的書枱比皮皮,希望佢有個固定地方學習做功課,能更投入小學生活,更事半功倍啦! 暑假期間屋企掉左好多物品,仲掉左一個地櫃,我同爸爸諗左好耐,將呢個位置轉為皮皮的書桌學習空間~ 皮皮在幼兒園期間只是用張枱仔做功課,枱仔好細張,座椅只是普通的摺櫈,當時都覺得頂住先都OK架!因為幼兒園功課量不多~ 但接近上小學的時間越近,就感受到小朋友應該有個良好的學習環境,正正經經有張合適高度的枱櫈才對佢成長學習有幫助。 皮皮坐緊IFCO DECO兒童人體工學升降成長桌椅,IFCO DECO-SingBee是台灣品牌,這套成長桌椅可調高度,3至13歲小朋友都適合,甚至成人用都沒大問題,可按人體高度調校桌椅高度。 首先講下張枱先,媽媽好中意呢張枱,IFCO DECO的桌面可調斜板,一共有5個斜度可自行調校。 第一、二斜度可以用來寫字 第三、四斜度可用來畫畫 第五斜度可用來看書 斜板能防止小朋友寒背,保持正確坐姿勢; 提升斜板寫字看書,能減低光線折射反光,冇咁容易近視,對小朋友雙眼健康都有幫助~ 如果屋企的光線充足,有了斜板亦不需特別去買枱燈,就按小朋友需要而決定啦! 斜板的升降使用很容易,輕力拉上便可調校斜度,如果放返平都很容易控制,佢有個油壓壓桿系統,放板時唔會澎一聲,能慢慢輕力放下唔怕夾手,安全性高。 註:當然調教斜板由家長控制會安全些啦! 書枱包埋磁石閱讀架和文件筒,閱讀架好好用,例如做抄寫功課可以把書本放閱讀架,然後再在桌上寫,節省很多空間;另外買書桌時已包埋呢2個配件,唔洗額外買都唔錯! 桌下有特大櫃筒,內裡有大、小格數,可以把文具分門別類收藏,皮皮好中意執呢個櫃筒,入面既排列都係佢自己話事既,媽媽都幾欣賞他收納得很整齊! 另外枱邊有掛勾,可以比小朋友掛書包、畫袋等,整整齊齊! IFCO DECO的桌面板是美國富美家(Formica)美耐板,耐磨耐刮,就算比鉛筆或鉛子筆劃到,不用濕布清潔,用擦膠擦一擦就得,非常方便。全個在台灣製造,用料方面可與德國物料睇齊。IFCO DECO仲有5年結構性保養,可以陪著小朋友由小學讀到中學,非常襟用! 皮皮現在會自己主動做功課,希望佢Keep住啦! 實在爸媽都要上班實在沒太多時間督促佢做功課,如果能培養自己做功課的習慣,全家人都輕鬆好多! 另外講下張雙背椅啦! 雙背減壓設計可保護小朋友脊椎,椅墊可以調較,坐落去緊貼背部,夠哂承托力,從而糾正小朋友的坐姿,坐得貼服和適合長時間坐。 椅布用德國技術處理,有防污效果,清潔容易,加上採用防菌棉,布質柔滑不刮皮膚,坐都坐得舒服D! 椅子亦可調校高度,就返小朋友成長高度來更改,所以由細坐到大都得! 椅子坐位不能360度亂轉,只有車轆位可移動。 如果想小朋友坐定定,轆位有ON/OFF lock掣,如果坐了在椅子上,個轆就會鎖住不周圍動,不坐時就可以隨意推動椅子。 這樣子小朋友唔會坐走張椅周圍走,乖乖坐定做功課! 另外椅下有特濶腳踏,腳仔唔掂地的話可踏腳踏,我見皮皮好中意踏腳踏,咁樣坐佢話舒服些。 希望皮皮上到小學開開心心啦!讀書係好重要,但品格是更重要呀!享受你的小學生活~健康開心媽媽就心滿意足的了! 我也很開心皮皮很喜歡這個學習空間,有了屬於自己的「地盤」,學習更有動力! 各位媽媽和孩子加油! 漫漫長路,期待你翱翔萬里的一天:) 更多IFCO DECO兒童人體工學升降成長桌椅資訊,可參考以下網址,包送貨和安裝,詳情向ifco hk查詢。 SingBee - DIVO Plus Kid’s Ergonomic Desk http://www.ifco.com.hk/index.php?route=product/product&path=101_106&product_id=511 SingBee - 132 Kid’s Ergonomic Chair http://www.ifco.com.hk/index.php?route=product/product&path=101_107&product_id=495 試用產品及產品說明由品牌提供。 關於daidai & pipi: Daidai & pipi 的快樂魔法 博客: Blogspot . MyBB.com.hk星級Blogger .ohmykids . Oh!爸媽 Beauty Exchange . she.com . elle . WeShare . ubeauty . Miniwise Instagram:daidaipipi http://instagram.com/daidaipipi/ YouTube:daidai Joan https://www.youtube.com/user/yuijoan email: yuijoan@gmail.com