知道有AA Place呢間lego shop好耐 但舊址係西環 對於我呢個九龍人嚟講實在太遠 一直都未去睇呢間shop搞邊科 點解會咁深得lego迷嘅歡心 最近搬咗去利舞臺 今日正式開幕 一定要去睇睇!! (重點係我似官方facebook見到有lego蛋糕 點可以唔去呢!!!!) 去到9樓真心俾佢嚇一嚇 估唔到有咁多人 間鋪亦都比我想像中大好多 幾經辛苦 終於迫到入鋪頭... (早就雙眼發光嘅企鵝大人一早就衝咗入去擁抱佢心愛嘅lego....................................) 媽咪啊! 我好想搬個摩天輪番屋企呀 有趣有趣! 教人愛錫lego! 終於俾我見到有食物嘅蹤影喇 但係...點解... 個雪櫃得番幾支飲品無蛋糕架?? 好失望呀 :'( 不過老闆Patrick話聽日起就會有蛋糕供應 希望我下次上去食到啦 嗚嗚:'( 唯有睇住官網啲相先啦 係咪好吸引呢? 點擊圖片放大 話佢係博物館真係無誇張 雖然地方細細 但裡面就有6000幾個figure 全部都係老闆嘅珍藏 聽講數目已經多過世界紀錄 館內唔可以影相 咁我又唯有用官方相啦哈哈 博物館旁邊有散裝lego架 錯!應該係散裝lego牆至啱 咩size 咩色都有 本身諗住去lego cafe同任砌lego 點知........................... 只怪我嚟得唔合時............ 係度搞生日會應該幾過癮 唔知生日會會有咩節目安排呢 感覺到老闆好有heart 連張poster都設計得有心機過人 抵讚! cashier位置有隻少咗百寶袋嘅叮噹 (我年代佢係叫叮噹嘛!) 本身想同啲staff講 但好似好多事咁 都係等佢地自己發現啦哈哈 行咗一陣已經有收穫 原來就算有membership card 舊貨都無得折 不過唔緊要啦 留番下次用! 急不及待開嚟玩 15分鐘就砌完 仲幫佢拍咗條片 有興趣可以睇下 :$ [video width="640" height="480" wmv="https://resource02.ulifestyle.com.hk/ublog/wp-content/blogs.dir/0/4567/files/2014/09/squirrel_and_me.wmv"][/video] AA Place shop 地址: 利舞臺9樓 Facebook: https://www.facebook.com/AAPlace.shop