快閃台北3D2N(2018年9月1-3日) 男友突然話要去台北故宮睇'鄭問'的展覽,作為賢內助的我因此在幾日內就買曬機票book埋酒店。但我覺得齋睇展覽好單調,所以臨時加插了去礁溪浸溫泉,身心舒暢一番。 今次入住的是礁溪若水溫泉旅館,因為星期六晚比較貴,HK$730/晚(其實都好平咯!包埋私家溫泉池喔)。如果係平日,HK$4xx已經可以埋單。房間包埋簡單早餐。 酒店大堂設計很歐美風,非常舒適。忘了影多幾張相! 房外裝飾,我住502房,好喜歡連牆都有細緻的detail。 房間有很大塊的落地玻璃,熄左燈可以見到外面的夜景。 日間可以見到外面的景色,連心情都開朗返。 房間的另一邊,空間感十足,好喜歡呢間酒店的設計。 廁所好大,最入面就係私人溫泉區。 個溫泉池足夠三個人浸。而且兩邊都係玻璃,一遍浸可以一邊睇出面景色。 礁溪最出名的地方就係天然溫泉,開出來的溫泉水全部都係天然的,浸完即刻覺得皮膚滑溜曬。 房間還附有露台。 早餐是很簡單,可以選一款三文治或漢堡包,另加一杯飲料。入住時揀埋,然後早上8點就會放在大堂的tray度等你去拎。 這就是我的早餐。 包包正常味道,食到一半先發現原來係膠杯上畫了公仔,很有心思,好驚喜。 如何去旅館?在台北車站隔離的京尚廣場入面的1樓買葛瑪蘭客運的車票,然後在4樓搭車,車程大約65分鐘,非常方便。我是直接從桃園機場搭機鐵到台北車站,然後就轉搭旅遊巴。來回程是台幣$210。需要劃位。 酒店外觀:單棟式旅館。由於是晚上抵達,隨便影了一張。 酒店資料: 酒店名:礁溪若水溫泉旅館 網址:http://www.rshotspring.com.tw