香港人去古巴 Havana & Trinidad Date: 7-11 DEC 2016 兩個香港女仔第一次去古巴,真係人生一大挑戰! 出發之前都有上網睇下有關去古巴旅行既事前準備同注意事項,但係最新既文章已經係2014年。我地希望藉住寫呢篇小網誌而更新一下去古巴旅行既資訊,令大家唔好因為少少既甩漏而擔誤行程。 (1) 出發前 有關簽証: 我地兩個女仔都係用香港passport,而係香港入境處既網站查詢過係需要旅行簽証。之前有一篇網誌提及到,通常由香港/美國出發去古巴係比較難,所以我地決定先去墨西哥玩幾日,然後由墨西哥飛去古巴。 我直接打電話去古巴駐墨西哥領事館問過。只要你係買Interjet/Volaris機票去古巴,係你check-in當日早少少去買入境証就可以,大約20USD,160HKD。另外,最好買定旅遊保!我地其中一個人被要求展示保單,一旦你無而被問到既,好大可能無得入境! (2) 旅程中 十大吸引之處 1. 不論男人定女人,普遍既古巴人都係靚仔靚女,身材都好吸引! 2. 古巴既沙灘係必去地點之一,我地去左Playa ancon,距離Trinidad Centro 區域大約20分鐘車程,景色真係一絕。如果你唔係住係海灘酒店區,我建議大家可以2點到海灘,等到5點幾日落影完相就走。入夜既街上無好多街燈,會比較危險。加上如果你唔係住客,酒店既Security會趕你走! 3.誠意推薦Trinidad既火車Tour。不單止值回票值,而且係一個特別體驗。火車Tour並唔係每日都有。我地係星期六去,朝早0910 會售票(通常會9點就開始)而0930左右就出發!早D買飛就可以早D上車揀個好位! 4. Havana既Malecon係另一個必去既地方。建議大家可以朝早沿住Tunel de la Habana 行,食完個Lunch,去埋Churches之後,最遲5點去到Malecon個邊睇日落。 5. 入住古巴民宿係唔錯既選擇,特別對一D打算窮遊既Backpacker。當地人都好好(除左會成日想扼錢同搭下訕),住民宿會感受到多D人情味,唔似得酒店既職員咁,唔會對你好好,除非你係住客!我地係Havana住既民宿係係Verdado 區,叫Hostel Marques De Liz。屋主係一對年輕情侶。因為男屋主係導遊,所以佢地俾左好多行程建議我地! 6.古巴人大多都好守時,例如我地Book左的士由Old Havana去Trinidad。預約左1630,司機真係1630到。係民宿食早餐都係,個姐姐會搭正你預定既時間送餐,值得讚揚一下! 7.古巴係一個好有藝術色彩既國家,我地係Old Havana街上見到好多畫家,會係街頭賣畫!好多都好親切!如果你想買既,不防議下價!我地就買左兩幅小畫,每幅8 CUC。 8. 古巴大多既食肆都會開到11/12點,唔似得係歐洲既餐廳咁,6點前就收舖。如果大家係夜機到古巴,都唔洗擔心無野食!如果大家唔怕夜,去下Bar,飲杯酒都唔錯! 9. 誠意推薦大家坐復古的士!最好可人坐開蓬既!係古巴,復古的士比冷氣的士多,加上都唔會要你俾好貴!正常10分鐘車程,大約4-6 CUC,視乎你既議價能力! 10.走到古巴既街頭,五顏六色既屋同舊街都係一個影相既好地方。 十大注意事項/建議 1. 因為古巴既街燈少,加上行人通道窄,所以入黑唔好亂咁行。可以去比較多人既區,例如Trinidad既Plaza Mayor/Old Havana既The Malecon。 2. 分清楚CUC同CUP,小心俾多左錢或者找小左錢!CUC係印住唔同古巴建築物,主要係旅客用既貨幣。而CUP係印左人像,主要係當地人用。CUC既價值係CUP既20倍左右,因此,有時D奸詐既商人可能會收你CUC,找番CUP俾你。又或者會有當地人隨便係街到想同你唱散張大面額既紙幣,而通常佢地想CUP換CUC 3. 購物或搭車之前要議好價,特別係坐的士。大多既的士都唔會有咪錶,所以係你上車前就要同司機講好你去既地方同價錢。通常好多都會坐地起價,但實際上係可以平D,例如由Trinidad Centro 去Playa Ancon,普遍收8CUC /由Verdado去Old Havana 最多俾5 CUC 4. 下載Offline Map:因為當地唔好隨處有Wi-Fi熱點/好影買到用得到既上網卡,所以你去古巴既日子好可能無Internet。強烈建議大家可以下載maps.me,我地都係睇左其他人既網誌推介而下載試用。GPS定位都好準確同埋有個手機Map始終方便過你用Printed Map,古巴既路牌好唔顯眼,特別係入黑個陣,你根本睇唔到! 5. 回程一定要盡早去古巴機場。除左會突然有好多人排飛過關之外,古巴人做野都好慢。(以香港人既標準 ) 6. 唔好期望古巴既野食會好好味,只會期望越大,失望越大!當然,你願意俾好貴食高級餐廳一定唔會差,例如我地最後一日係Trinidad食左既Buffet早餐,食物質素不錯,特別要讚讚佢地Banana milkshake !但如果你係想食平民價既餐廳,我地推薦你去El Chanchullero de Tapas。雖然等位既時間會比較耐,不過對於我地D等慣位既人黎講,No Problem 7. 如果你計劃係Cuba幾個states玩,我建議大家預先Book Shared Taxi。以我地既行程為例,因為我地只係係Cuba逗留4日,所以只係去左Havana同Trinidad。搭Taxi需要5個小時,而Shared Taxi車費係每人30 CUC 8. 唔好理會搭訕既人,好可能係想扼錢/真係搭訕。但如果你地係第一次去古巴,又唔係好識Spanish(即係我地),有防範心比較好! 9. 要識基本既Spanish,以防俾人扼錢或者可以向人求救!相比起其他北美國家,係古巴比較難搵到識英文既人。因此,大家要記一記基本既Spanish,例如數字,問候等等。最重要當係問”Cuanto cuesta?”意思係”幾多錢?” 同埋 “Mas barato, por favor!”意思係”平D啊,唔該!”10. 一定要帶遮!唔好以為古巴唔會落雨,我地係Havana過夜個一晚就落左好大雨。仲會搞到屋頂漏水Tim!而你好少會見到有舖頭賣遮,可能北美既人都習慣左落雨唔擔遮!(我完全唔明白點解佢地唔會淋病!) 10. 一定要帶遮!唔好以為古巴唔會落雨,我地係Havana過夜個一晚就落左好大雨。仲會搞到屋頂漏水Tim!而你好少會見到有舖頭賣遮,可能北美既人都習慣左落雨唔擔遮!(我完全唔明白點解佢地唔會淋病!) P.S. Le間係我係Havana食過最難食既餐廳!我曾經係一個網到search到有人推薦呢間餐廳,形容D野食係好好食既意大利菜!呢碟意粉真係世界級!因為唔記得名,唯有Cap個地圖比大家,千萬唔好花2/3 CUC食,因為Local只係俾2/3CUP食架咋!