好耐無見啦,今日想同大家分享一套電影 蜘蛛俠:決戰千里 注意!!!有劇透!!! 蜘蛛俠Far from Home,都上左一段時間 唔知大家睇左未呢?老實講對小編尼講今集好好睇。 一開頭小編好感受到Marvel所構築嘅世界觀真係細膩,學生響學校悼念響Infinity War過身嘅英雄,連消失的五年所帶尼嘅年齡差都有提到。 今集個人覺得對Marvel世界有重大影響都係片尾,而之前所講嘅都係圍繞Peter嘅個人,17歲如何面對世人對Spider Man嘅期待同大家期於佢點樣繼承Iron Man嘅衣砵,仲有取捨英雄同自己嘅生活中間嘅無耐。大家都會響大螢幕中見到佢嘅無奈。 回想第一集Peter經歷過Civil War一心好童真地想成為Avengers,嘗試成為Tony Stark到經歷不同事情去到今集。 由日日想做英雄到想放假又身陷其中,無得抽身享受假期。個人好欣賞依段,大家都只係見到英雄嘅風光,但唔了解佢地辛酸一面,反而Peter依個年紀會想玩,想拍拖,想休息 反而更突出到依份辛酸。 Black Monkey 依個係我絕對要提嘅新英雄Black Monkey XD 果然裝備唔係Stark Industries出產係無咩特別,依套除左遮住個樣依個功能就無咩功能。不過如果我無記錯,依個響漫畫係一套潛行裝,不過電影就無咩發揮餘地,只係俾商家出多個款出figure賺吓錢。 其實個人覺得以續集尼講Spider man係好出色,電影從一開始神秘客已經呃左全世界包括唔認識佢嘅觀眾。今集嘅敵人同以往嘅敵人好唔同,佢唔係玩好好打,而係用欺騙嘅方式用智慧同蜘蛛俠做對手,個人覺得依種方式好新奇。當你以為告一段落?咁你真係太年輕啦少年。 Tony Stark致敬位 唔知大家點睇?歡迎下面留言同小編一齊分享 C&K Lifestyle Our Instagram Our Facebook Our Whatsapp