上次同大家share左 阿拉丁|Aladdin|影評 – 上 開講之前,留意到電影評價好壞兩極。不過無論外界係點評論都好,我都會好主觀咁以自己角度去表達。 個人其實認為真人版係難,始終有比較有傷害。跟原著又俾人話無創新,唔跟原著又話無創意。 總之個人就認為今次嘅真人化好出色,當中嘅加插都好能夠突顯公主嘅性格。 其實主要角色都被自身嘅身分所限制住,同現實中都可能好似。 阿拉丁當初只係社會低下階層嘅小偷 什至俾人話係過街老鼠。當時只有同樣比身分所限制嘅公主懂得欣賞佢。但無耐現實中,公主只可以嫁俾同樣地位嘅王子。 茉莉公主 一位認為被制度所局限嘅公主,因為身分問題只可以困響自己嘅皇宮 更因為係女性唔可以成為”Sultan”(回教君主) 只可進行政治婚姻,嫁俾佢認為唔會重視自己國家嘅皇子。直到佢遇上阿拉丁....... 賈方 被自己自尊心所困,一心追求更高地位 追求更多的權力。 可惜追求越多、失去就更多,最後反而自己卻困在神燈中。 戲入面明顯見到阿拉丁為左配上公主,佢銳意將自己變成阿里王子。而公主反而從一開始就對阿拉丁好深印象,反而會刻意等待阿拉丁嘅約會。 而變左王子嘅阿里王子一開始俾公主當成同其他王子但相當蠢嘅人看待。而直到公主發現王子嘅真正身份係阿拉丁先另眼相看。 所以其實係咪有必要刻意改變自身?喜歡你嘅人 係喜歡你本身而唔係改變後嘅你。 追求越多失去越多、識得珍惜就會得到更多,當中燈神就經咁同阿拉丁講過。 其實電影中用左對比嘅方式對比兩個角式,電影故事以偷竊嘅開頭帶出賈方同阿拉丁嘅身世相近,都係低下階層出身,但心態兩者就唔一樣,賈方直到最後嘅貪婪都係無止境,而阿拉丁經歷過劇情後將自己最後嘅願望俾左燈神自由、而佢更以真實嘅自己面對大家。 賈方因過度貪婪最後一無所有。 阿拉丁反而多左位朋友,而公主更因為喜歡佢本質而有happy ending。 唔知大家點睇?歡迎下面留言同小編一齊分享 C&K Lifestyle Our Instagram Our Facebook Our Whatsapp