話說近期小編重新投入細個時候嘅興趣,就係砌模型。早幾日有個客上我地公司購物時,見到小編有d模型放左響到,跟著 RG RX-78-2 元祖高達 客:你都有砌模型㗎? 我:係呀 純粹個人興趣啫 非賣品尼㗎。 客:我爸爸都好鍾意,不過我就麻麻地,不過尼緊搵一盒俾佢做生日禮物都好。 我:如果佢係喜歡,做生日禮物都係好好既選擇呀。 ==================================================== 其實小編想表達嘅係心意,一盒模型可能係少少野,但背後又能夠帶來幾多心意?好記得小編小學嘅時候有個同學每個星期頭就會分享佢Weekend爸爸同佢砌左咩高達,如何上色,如何消光等等。 其實一盒小小嘅模型已經能夠為父子於假日為帶來孩子難忘嘅親子時光。 小編響出來工作前,所有嘅模型對小編而言都相當重要。 說來慚愧,小編小時候家境不太好,但當時我嘅每一盒模型都係父母所送,當時嘅MG都幾貴,但佢地都會送俾我,出來工作後先明白得來不易...... 另外,仲有兩盒模型對小編都十分重要,什至小編至今都唔捨得拆盒。 第一個UNICORN GUNDAM DESTORY MODE係小編中學時期嘅一次生日,當時嘅巴打送左一盒HG嘅RX-0 UNICORN GUNDAM。是小編十分喜愛嘅一個Gundam,當時佢地無一個係Gundam Fans,但都搵依個做禮物,事隔十年小編都依然保留著。 HG 1/144 UNICORN GUNDAM 獨角獸高達 第二盒SINANJU,係數年前一位對小編相當重要嘅人送的禮物。儘管依份禮物在香港係有得買,但當時佢都係一竅不通地響日本特登行左好耐搵左好耐買俾我。所謂物輕情義重,我諗都係我人生中能夠完美解釋依幾個字嘅例子。 HG 1/144 MSN-06S SINANJU 人生中有好多野隨著時間過去會由有價值變成不值都可以係無價,但小編夠膽講無論發生咩事都唔會捨棄佢地,因為佢地帶俾小編係永遠無價嘅心意和回憶。 可能有朝一日,當小編有小朋友之後可能都會出現-男人愛高達,孩子唔明白。 C&K Lifestyle Our Instagram Our Facebook Our Whatsapp