Netflix|Gundam|鐵血的孤兒



其實小編打依編文章嘅時候都好清楚鐵血的孤兒其實一早已經結束。

討論價值都唔係咁大,但即使係咁我都好想分享。事關小編因為Netflix先可以方便downipad隨時睇,終於了結我追鐵血的孤兒多年嘅心願。

講返點解我明知過左咁耐都要打,因為我繼0080口袋裡的戰爭後就未試過睇完一套Gundam作品係會令我咁沈重仲要係好幾日。

0080口袋裡的戰爭

成個作品由一開頭一班被視為低級財產嘅一群孤兒主角團,不被當人看待 無得接受基本教育作為童工、少年傭兵為財主以性命工作。之後由團長同三日月為首帶領一眾人為自己人生打拼。然後就一個好打得嘅機師三日月連同好有團聚力又識善用人才嘅急進團長響第一季開無雙。

低級財產的童工

少年傭兵

受傷只是日常

少年傭兵的主角一行人

睇到依到可能睇開Marvel/日本少年動漫嘅你就會覺得好公式化咁主角又會經歷唔同嘅失意 然後又會成長/有部神機 最後一團打天下啦。

如果你認為係咁,咁你真係太天真而我都天真過。因為我係睇Gundam Seed大㗎嘛 得基拉得天下,只要係主角核爆都唔割席 Sorry打錯 係核爆都唔死。

不過好遺憾,依套作品想塑造出嘅係寫實的黑道風,而劇情都好寫實地將勢力、財力、人力都不敵末日號角嘅鐵華團瓦解。雖然你會見到團長好努力咁為家爭取更多資源優勢 改善生活。可惜越有知名度 麻煩都相對地多。佢地都不知不覺間捲入左好多不同嘅戰爭,同時都犧牲左好多團員。以作為觀眾嘅你,只能睇住佢哋有血有淚地為彼此付出 什至獻上生命

鐵華團

殘酷、感動

第二季尾段時完完全全好深刻體會到以上感受。

拉芙特遇害身亡

有人認為好多人死得不合情理。但佢地作為政治犯被暗殺/用作挑起戰爭嘅棋子,其實不明不白被暗殺死係好正常不過,畢竟現實都話咗俾你知政治就係咁黑暗。

歐格 遇害身亡

只要你們不停下 我就會在前方等著你們歐格

由始至終帶領鐵華團嘅團長,佢死嘅時候我真係好錯愕,突如其來嘅攻擊 但佢依然以自己肉身守護自己嘅團員,臨終前留下一句我係鐵華團團長 保護團員係我嘅責任再配上ED4フリージア將成個傷感氣氛推上更深一層。同其他領導人唔一樣。佢係打從心底想同團員能夠過快樂嘅生活 而唔係當團員係滿足自己目標嘅棋子,死前都只係一心想團員活下去。

代表三日月陣亡嘅巴巴托斯

麥吉利斯陣亡

昭弘陣亡

劇情不是重點 重點是他們死了

對於有觀眾批評鐵血的孤兒爛尾,個人見解當你係睇住由第一集陪伴你到最後一集 各個你熟悉什至你喜愛嘅角色陸續死亡 確實真係好難接受。批評應該都係對作品投入嘅宣洩。

雖然時至今日有好多碎片都未補完,但能夠將依種傷感深深傳遞俾觀眾確實係制作組嘅一大成功。

最後 未睇過我真係好推薦 睇過就留意下《機動戰士鋼彈 鐵血孤兒 Urthr Hunt

C&K Lifestyle

Our Instagram

Our Facebook

Our Whatsapp

This entry was posted in 其他, 影音娛樂, 消閒, 興趣 and tagged , , , . Bookmark the permalink.