LION KING | 獅子王

好多人都笑言話好似睇緊Discovery Channel or 動物紀錄片、無人嘅元素令套電影好減分。但我又想問吓識講嘢唱歌嘅獅子你又見過未吖

我明白重製版少不了會有比較成份,但其實大家有冇諗過對於好多小朋友來講呢一套戲一套新電影,反而我哋呢啲老一輩先至會係有比較。

 

所以今次我想集中去稱讚電影好嘅地方。
迪士尼嘅畫面、音樂和歌曲從來都係佢地為電影錦上添花嘅王牌,雖然今次冇咗人類元素冇得跳舞冇得睇show,但反過來我哋見到個出色嘅CG畫面。仿真度極高嘅大自然同動物,而且有一點我好想稱讚嘅係佢哋將動物嘅表情塑造得非常之好、十分到位。如果你要我想像動物嘅情感表情自然得來又到位,我自問能力有限完全做唔到,但電影中我覺得係完美演繹到。

例如
Mufasa 佢嘅正義凜然、王者之風
Scar嘅陰險奸小
Simba嘅衰傷同軟弱
以上都好成功地以表情表現出來。

Can you feel the love tonight.
依首歌係我成套電影最期待已久嘅一幕,雖然成首歌都無Night,但都可以表達到獅子間嘅曖昧,個人認為比起要演員演繹出來,用動物表達更高難度,首歌依然咁好聽。^_^

相信劇情好多老一輩一早已經知道,而大家入場都係想睇佢如何重塑。

 

Circle of life

但我都有地方想講講,Circle of life, Never forget who you are,

Circle of life 電影開頭集中提到大自然食物鏈環環相扣,獅子會食羚羊、獅子死後屍體會成為草嘅養分、而草亦都會成為羊嘅食材。
其實不論係大自然還是成市,我地都係一個循環,電影係以大自然生態做背景,所以我想從環保嘅角度去講講依個cycle。人類每日嘅資源最初最初都係從大自然得返嚟。但相反人類能夠回饋比大自然嘅相對就少之有少。有朝一日當依個cycle唔再平衡,人類到底會響幾惡劣嘅情況下生活?依點相當值得大家反思。

Never forget who you are –
Simba因為一出生,帶著家族既榮耀同責任,日後必定成為King, 尼個係他爸爸自細同他灌輸既概念。導致他想快速成長去證明自己唔係cub,可以去統領整個Pride Lands. 不過由於Simba既尼個過分證明,使他跌入Scar既圈套,最後導致Mufasa既死亡。

由於Simba面對唔到他「害死爸爸」,最後逃跑,係他絕望既時候,遇上Timon & Pumbaa。他們除了叫他食蟲之外,教導他一套哲學「hakuna matata」-意思是「不要擔心」。在Simba從幼兒到成年時,這套思想一直教育他,凡事不用擔心,也不用負責任,每天過的開心,管好自己就夠。

正因為有這套教育理念,才讓Simba一度遺失自己和害怕去承擔,去面對,去保護 Pride Lands,去守護大家。

如果係你,你會願意去承擔自己 與生俱來嘅責任,定係果一個無憂無愁嘅生活?

C&K Lifestyle

Our Instagram

Our Facebook

Our Whatsapp

This entry was posted in 兩性關係, 影視, 影音娛樂, 消閒, 社交, 親子 and tagged , , , , , , . Bookmark the permalink.