*** DAY1 *** Day 1 - 香港 到 沖繩 (國際通、pork tamago onigiri(小食)、我那霸燒肉店(晚餐)) 一波三折嘅行程,一大早九點鐘到機場,下午3點機,終於出發啦。 沖繩我地黎啦! 今次搭PEACH! 黎到已經係夜晚七點幾。 廉航冇野食。拎去行李,即係去買返個沖繩【Pork tamago】名物【午餐肉蛋三文治】 咁餓嘅環境,當然係會好好食! 之後就去搭【輕軌】出去【県庁前】,入閘要買票。 注意:日本常用嘅【Suica 西瓜卡】或【PASMO】,沖繩輕軌都係用唔到架,所以要買飛。 不過據聞2020年,會引【Suica 西瓜卡】或【PASMO】使用。 超多人,等第二班車先上到。 【県庁前】旁邊嘅酒店【Hotel Maruki】,價錢又唔貴, 落車過條馬路就到啦,只係係【國際通】落腳一晚,真係冇揀錯! Dinner就係【我那霸燒肉店】,營業到24:00,所以我地21:00先到,都仲有得食。 Dinner有 放題 同 散叫 ,兩個選擇 我地都係揀左散叫 手上果塊係【特選石垣牛肋眼】 另外仲叫左【牛舌】、【Agu豬上等豬五花】等等嘅野食 食飽就行返去隔離街【國際通】,去左咁多個日本唔同嘅城市, 【沖繩】第一個比我嘅感覺就係,【東京新宿】之外,另一個成條街店舖會營業到比較夜嘅地方 【Blue Seal】沖繩必食蛋糕,當然第一日就要食返一杯先啦! *** DAY2 *** Day 2 - 古宇利大橋、Kouri Shrimp(午餐)、沖繩美麗海水族館、百年古家 大家(晚餐) 琴晚返酒店前,落好大雨,這就是海島天氣。 今日嘅天氣都天陰陰 由【県庁前站】搭去【赤嶺站】 一早係網上BOOK好車,約好係【赤嶺站】等租車公司嘅接駁車 租用【Aqua Car Rental Naha】 由於沖繩自駕遊嘅旅客比較多,所以如果早機黎,直接去拎車,就要預左比較多人排隊拎車。 不過由於我地係朝早9點幾過黎拎,所以只有兩三組客人排隊拎車。 好快就搞掂出發啦 P.S. 店家提供,要小心部分騙財事故。 出發!天氣狀況唔太穩定。 由10:30出發,12:00終於黎到今次沖繩之旅最北嘅地方 前面就係【古宇利大橋】啦! Nissan NOTE e-POWER,今次呢幾日就係用你 【古宇利大橋南端展望所】,如果天氣好,應該係勁靚! 展望所欣賞完風景,就過去【古宇利島】食Lunch 【Kouri Shrimp - 古宇利蝦蝦飯】 都好多人,不過出餐都好快,買完就自己搵位置坐 一個【蒜蓉蝦飯[辣味]】,另一個就係【蒜蓉蝦飯[奶油]】 我覺得辣味好正!蝦又唔油! 食完辣飲返杯,係期間限定【青檸Soda】真係好搭 Kouri Shrimp 呢個,就可以欣賞成條【古宇利大橋】 P.S.不過呢,當時一邊食,就發覺條橋越黎越短,狂風大雨殺緊過黎!只好叫老婆食快啲! 由Kouri Shrimp 跑返去車,只係短短2分鐘路程,有遮都勁濕。 上返車睇睇天氣預報,估計應該仲要落多2-3個鐘大雨! 只好改一改行程,唔去【心形岩】同【古宇利海洋塔】 直接去【沖繩美麗海水族館】避避雨 大大隻真海星同海參可以接觸 館入面,有好多唔同嘅海洋生物,最吸引當然係呢個位啦! 海牛館 海龜館 睇埋海豚表演前,終於停雨 【沖繩美麗海水族館】除左啱拍拖之外,更加適合一家大細黎玩! Dinner 【百年古家 大家 阿古豬】 由大馬路轉入路口仔再上山先到,路口唔係好似路口,好易Miss左。 原本仲以為泊好車就可以入去食。 點知由停車場,行到去餐廳到坐低,差唔多要5分鐘! 真係大得好跨張 要除鞋換拖鞋 輾轉之下,終於坐低食飯啦! 由於有book位啦,所以準時到,唔駛等位! >>>開心大發現!免費預約日本餐廳好幫手【tripla.ai】!仲要有「中文」!<<< 【極上特選阿古豬涮涮鍋】不過唔明點解?一定每2個人揀同一款先得。 6,000YEN / 一位 特選阿古豬肉 阿古豬水餃 什錦蔬菜(蔬菜,菇類,豆腐,沖繩蕎麥麵) 四季蔬菜沙拉 阿古豬炒海帶 涼拌海蘊醋 島豆腐佐苦菜 食飽揸車去返【恩納】入住兩晚嘅【Sheraton Okinawa Sunmarina Resort - 聖瑪麗娜海濱飯店】 ~想知完整「沖繩自駕遊」行程?按這裡~ ~其他您可能有興趣「日本」行程分享按這裡~ ~喜歡我的分享~ 歡迎讚好「 Facebook」:RH Travel 屬於自己的旅程 瀏覽「Pixnet Blog」:RH 屬於自己的旅程 【Life is a TRIP~! Life is Amazing~!】