泰國嘅遊樂場超好玩!全新19年6月開幕! 個商場就係地鐵站隔離~遊樂場地方超級大又乾淨!超多sir滑梯、有幼兒專區、玩具、單車滑板車、滾軸溜冰⋯ 可以玩足全日都唔會厭!差滿200%電先好黎呀~需要好多體力攀爬架! 影片分享 我哋先係酒店出發去食自助午餐,曼谷 Baiyoke Sky Hotel 76 & 78 樓⋯call grab 79銖 喺KKday 先訂左飛,到櫃檯後再換票入場 要轉幾次lift先可以到達…我哋要去81樓,有點轉折! 中午時間呢個位好熱⋯ 一望無際嘅風景⋯夜晚嚟睇燈飾應該幾靚! 食物唔多講⋯唔好食⋯哈⋯ 而且好多旅行團,好嘈吵!唔建議來食自助餐,睇風景嘅可以! 跟住call車出發去玩~Harbor Land! 係Gateway Ekamai Shopping Mall入面!就係Ekkamai地鐵站隔離! 上5樓就到!呢個場大人細路都啱玩! 4樓仲有Molly Fantasy & Kidzooona遊樂場!如果細B可以有另一個選擇~2,3樓都有好多嘢玩⋯ 小孩440銖,大人160銖~任玩4小時~80 cm以下免費 上網看到最新嘅收費表! 大人加價了!加咗20銖⋯哈哈 全日任玩:小孩540銖,大人240銖 4小時任玩:小孩440銖,大人180銖 營業時間:10:00-21:00 *有需要仲有happy care看護服務!有泰文同英文選擇~ 有免費儲物櫃,不過嗰日唔記得密碼⋯好彩叫職員幫手可以即時開返⋯哈哈 入面有小食,輕食買,有好多位坐~ 同香港遊樂場相比!大到嘩嘩聲! 咁高嘅sir滑梯小朋友都敢玩⋯係好刺激嘅! 點擊圖片放大 超多sir滑梯!!玩到你唔玩呀! 點擊圖片放大 周圍爬要勁多體力⋯ 點擊圖片放大 波波射槍~好忙地係咁執波⋯ 點擊圖片放大 +5 遊樂場入面行勁多機關,超多野玩! 滾筒sir滑梯!有速度感! 仲有個籃球場! 點擊圖片放大 必玩車轆sir滑梯!雖然玩要拉個車轆上去好鬼重,不過玩果下真係勁開心!呢個來回玩左五次! 細B都有嘢玩㗎!呢度有個幼兒區! 點擊圖片放大 +2 有積木、煮飯仔、玩具⋯等!我仔都好啱玩 點擊圖片放大 +2 當日我哋嘅幼兒區係冇人玩㗎!哈哈~包場 點擊圖片放大 +2 仲有得踩滑板車、單車、滾軸溜冰等~ 一次過玩晒咁多種運動啊!真係好方便~ 點擊圖片放大 +2 洗手間都好大好乾淨!有育嬰區、沖涼房~ 兒童洗手間,啱晒小朋友嘅高度~ 我哋玩緊嗰陣爸爸就落咗下面嗰幾層有間按摩店,爽左兩個鐘!⋯ 話咁快玩左四個鐘⋯攰到阿媽我傻! 即刻落去食晚餐先~我哋去咗2樓呢間Nagiya 食日本菜!呢一層好多日本餐廳都唔錯,本身想食任食燒烤但係full左~ 味道都幾好食~係個燒烤牛肉粒比較鹹咗啲~ 有BB椅提供~餐牌可以參考下: 點擊圖片放大 +3 跟住去咗對面京買甜品!芒果忌廉三文治! 我覺得好好食呀!最愛食甜品~ 地下果層係美食廣場!超多嘢食~ 喺呢個商場玩成日都冇問題!好方便~ 行去地鐵站只需1分鐘!本身我哋call車走,但係要等15分鐘,跟住好大機會仲塞車添!分分鐘成一個鐘先返到去,所以最後搭地鐵走~ 地鐵都好方便就咁買飛~ 冇記錯好似37銖一張飛⋯都幾貴呀!搭幾個站咋,港幣$10左右 90 cm以下免費啊! 地鐵站有升降機,推BB車都好方便 點擊圖片放大 車廂環境都乾淨清潔! 而且好快,ekkamai 到chit Lam 十零分鐘就到!真係方便過call車! 我仔玩得勁開心!今次係慶祝佢生日帶佢來玩,遊樂場入邊咁啱有生日蛋糕,哈哈!順便同佢唱生日歌~ **Harbor Land Ekamai** https://www.harborlandgroup.com/harborland-gatway-ekamai-en/ **Gateway Ekamai Shoppjng mall** https://www.facebook.com/gatewayekamai/ 參考行程: DAY5:酒店遊樂場> Baiyoke Sky Hotel 76 & 78 樓看泰國風景x國際海鮮自助餐>Harborland Ekamai·Gateway Ekamai ———————————— Follow 埋 IG:https://www.instagram.com/chochomamami/ 100個+親子好去處(不定時更新) https://www.facebook.com/1028553953955138/posts/1436213656522497?sfns=mo ———————————— #4y #全職媽媽 #親子 #下雨天 #自由行 #parentalblogger #hkblogger #好去處 #放電 #室內遊樂場 #親子好去處 #曼谷親子遊 #KKday