由上年5月開始箍牙到依家已經9個月了 說變化是有的 但都係未去到我心目中個效果 剩返12個牙套 唔知可唔可以再將d牙收入d啦 過左9個月時間 減肥?無減過 哈哈 因爲我每日戴足22小時 所以每次換牙套都唔痛 唔會減低我食慾 刷牙次數?初頭就每次食完都刷牙 依家就早晚刷 lunch後刷 (我諗我箍完牙之後都會堅持依個好習慣 牙齒係有變乾淨同變白嘅 橡根呢?牙套在 橡根在 雖然牙醫話橡根一日戴15小時 但我基本上都戴20小時嘅 有一點要提 就係咬嘢 由於後面d大牙都會移向前 係依段期間大牙(上下之間)個闊度大左 令我咬唔斷太幼嘅嘢 例如米線 菜 所以嘢食就卡係喉嚨中間唔上唔落 好幾次都差d啃親 所以咬極唔斷嘅話我會吐返出黎算 食嘢果陣細啖d 問過牙醫依個情況 佢話因爲箍牙途中d牙郁緊 之後會好d 果然我依家依個問題已經改善左啦 好 睇下依9個月嘅變化先.. (蝴蝶蝴蝶飛在天空揮動翅膀阿哈 牠其實從前也只是隻毛毛蟲) (依幾個月都係埋緊牙洞) 點擊圖片放大 (11月之後就開始將前面d牙收入去)