第二集講到箍牙有磨牙/剥牙揀 今次一上到去, 牙醫已經準備好效果圖 之前已經開始左比錢揀隱適美 佢先會幫你做效果圖 part 1: 入去倒牙模 牙醫用藍色既紙蓋住我塊面 又比我太墨鏡 所以我都唔係好睇到 之後佢就開始擺D野入我口 又用光照下咁 等左2星期 >> part 2: 用影片形式播放 我情況: 磨牙:上下各磨11條牙那, 磨每隻牙既左右兩邊邊 牙醫唔會傷害牙齒健康 好處: 免受剥牙既麻煩, 箍一年 壞處: 效果唔明顯 剥牙: 上下各4隻, 咁我前面d哨牙就多d位收返入去 好處: 效果明顯 壞處: 剥牙既麻煩 箍一年半 睇完動畫圖 我鐵定揀剥牙!!! 真係諗到都唔洗諗 親 你知道嗎 效果明顯好多!! 我箍41個牙套 第一個係before, 第41個係完成圖 你可以同牙醫講要返段片 佢之後會sd返去左email part 3: 聽講解(10分鐘既錄音帶) 簽同意書 你既箍牙就要正式開始啦!! 準備好沒有? 跟住就走得 同姑娘約時間上黎剥牙 我就選擇一次過剝4隻牙既 牙醫就話好少咁做 話我好勇敢(我FEEL到依句既有D伏 HAHA) 因為分兩次剝, 咁剝完左邊 仲有右邊可以食野嘛 但由於我要返工 所以想一次過整(都話讀書果陣箍牙架啦 時間自由D) _____________________________________________________________ 12/5/2017剝牙(食到勁飽先好上去啦) 依到要極讚胡栢琳牙醫!! 其實周牙醫唔係我主診牙醫 但我見佢仲多過見我主診牙醫 HAHA 今次係請左半日假上去剝牙, 由牙醫主理! 話你知 我真係好多謝你 好多謝你! 好欣賞你同D姑娘既專業!! sincerely appreciate! Really! 周牙醫知道左我要剝4隻 都話我好勇敢 驚我頂唔順HAHA 咁我地同意左話剝2隻試下先 OK先繼續落去 麻醉針 首先打4枝麻醉針 上下左右各1枝 (因為我剥4隻) 比蚊咬既感覺 唔痛 (我都怕痛 但我覺得有D感覺 不過唔痛啦) 之後出去等一等 CHECK麻醉效果 牙醫再叫返我入房, 佢再用枝野禁一入周邊位置 我冇感覺就代表OK, 不過我右下有感覺 所以補多枝 剥牙 首先剥左上隻牙, 牙醫扭下 拔下 5分鐘就出來啦~~ 跟住即刻咬舊綿花 你FEEL到佢好用力 但你又FEEL唔到痛 HAHA 之後到其餘3隻, 各用左5分鐘 20分鐘 4隻牙全部出黎 點解讚牙醫同姑娘: 由於我真係好驚 所以姑娘一開始有輕撫我隻手 安撫下你 你不能夠想像果下我真係放鬆好多 有安全感好多! 牙醫過程中一路都比D支持我 例如: 第一隻牙出左黎啦 好叻女呀你 辛苦你啦 辛苦多一陣就得啦 最後一隻啦 辛苦你啦 心靈上真係舒服好多 冇咁驚 全程真係唔痛 等止血 剥完牙就咬住4舊綿花出去等半個鐘到啦 其實半個鐘就止到差唔多 個咀麻左2個鐘 之後拎藥就走得 後記 流血不止 由於我2個鐘都止唔到血 仲有少少血流緊 我去左睇醫生拎止血藥同埋咬左一晚綿花 所以記得係夜晚D醫生閂門前要睇就快D去睇 唔係我驚你流一晚 第二日: 我食左一日粥 第三日正常食 刷牙要避開傷口 唔好整親傷口 唔好整走返蕉呀~~~ 提示: 1.黎M唔好剥牙 2. 兩個鐘都仲FEEL到有血流緊 快D問下醫生 唔係我驚你流血不止 3. 由於打左麻醉針, 你個口係冇感覺 請你咬住綿花之後合上咀 個頭保持少少向上 因為你係因為唔合口FEEL唔到D口水一直流 HAHA