事隔兩個月,我終於行番山了! (之前因為天氣不好&身體欠佳,更新不到BLOG) 今日一行10多人行元荃古道下半段 未出發之前發現真係好少網站or blog介紹深井出發至元朗既路線, 行完我就知道原因了~ 下半段真的不是賣景點的!如果想看風景真的不推薦~ 不過下半段真的有較多「古道」的部分,原汁原味 都有綠油油既菜田、有紅葉、竹林等。 如果想做下運動、同家人行下或者影山系相,呢段路還可以的(因為大部分是平路) 如果想睇景就要兜水塘行,不過就遠好多,所以今次無選擇到。 首先,可以係荃灣西MTR A出口既巴士總站搭234A去深井, 係碧堤半島落,大約15-20分鐘就到:) 入口就是上半段既出口,在一間小學對面,陳記燒鵝轉右 呢間小學轉左就是上山點 點擊圖片放大 目標清晰!!清快塘新村GOGOGO~~~~ 唔好走左上去~ 成段既開頭&尾都有廁所~ 轉左一直走 看到涼亭基本上上山的部分已經完,之後大多是平路 行一陣就有指示牌,迷路機會=你不懂字:P 不要忘記我們的目標!!!清快塘!!! 45分鐘達陣! 接下來是重點了!行左邊接上元荃古道 走圖中的樓梯下去~ 點擊圖片放大 新目標:大欖涌水塘(元荃古道)!!! 之後會經過吉慶橋(1868年建成),附近也有休息的地方 然後會看到伯公廟,以前元朗居民行元荃古道售賣貨品,出發之前到廟拜拜,希望順利 完成了!!走左邊去大棠(較快),走右去南坑排~ 希望呢篇文章可以幫助到一D唔知行唔行下半段好既朋友仔~ 睇完如果有興趣就GO啦^^ 日期:18/3/2018 難度:★☆☆☆☆ 時間:約3小時來回