上年Asia Miles就黎到期, 但我又請唔到長假, 所以我同老公諗住換今年一月嘅機票去東南亞玩幾日, 順便慶祝老公生日 (順便黎多個minimoon :P)...我想去吳哥窟好耐, 而且暹粒平時少平機票, 所以我覺得換暹粒嘅機票相對著數(師奶仔性格)! 喺Asia Miles官網換來回機票好簡單, 好快就收到確認電郵! 柬埔寨嘅乾季係十一月到四月, 所以我地一月去係good timing, 每日都勁好太陽 至於酒店方面, 價錢比泰國仲要平! 暹粒有唔少高級酒店, 不過今次我想試下精品酒店 (主要想覇晒個泳池!) 我嘅要求係: - 有靚泳池 - 十五分鐘內行到市中心 - 新淨 - 靚裝修 最後我揀左2016年開嘅Sam So Boutique Villa, 主要係因為成幢villa都係白色, 有啲modern chic feel.. photos from Sam So Boutique Villa's official website 佢有3層, 我揀左地下, 因為一出房門就係泳池! 價錢亦好實惠, 只係$310(連稅)一晚! 去到就知道官網啲相冇呃人, 一樣咁靚, 成間房都係開放式設計, 連浴室都冇門 (唔係情侶黎就好尷尬)! 唯一嘅缺點係早餐唔太豐富^^" 我覺得夜晚時燈光打去泳池/villa度仲靚! photos from Sam So Boutique Villa's official website 為左比個生日驚喜比老公, 我買左啲蠟燭叫老闆幫手佈置一下, 佢仲幫我佈置埋張床! 當然冇五星級酒店嘅佈置咁靚, 但我覺得好溫馨! 返到房之後, 就聽到生日歌, 我都估唔到老闆成家同埋所有員工會拎個生日蛋糕出黎同我地慶祝! 個蛋糕係斑蘭味, 立體花好有東南亞特色..之後我地就一齊食同埋傾計, 仲同左老闆嘅小朋友玩! 真係好多謝佢地嘅用心佈置同埋驚喜! 下次會講吳哥窟3日遊同暹粒市區嘅行程, stay tuned! Follow me on facebook for more sharing: Chill Out · Chow Down with Jen