小妹同哈子餅對泰國嘢真係情有獨鐘的!間唔中,就會想食泰菜! 其實以下呢間泰好味,我們都並非第一次食,因為一來我住荃灣,二來覺得佢d嘢抵食夾大件! 睇完個餐牌,就知點解我話抵食,係海鮮類可能較貴,其他都唔貴,不過其實佢某d食物,都已經加咗價了,以前仲抵食d,不過而家加咗價後,都唔會比九龍城d泰菜舖貴,算抵食! 小妹推介:豬手、泰式蒜蓉包、炸蝦餅、泰式炒椰苗、冬蔭功、泰式乾咖哩、椰汁青咖哩雞和泰式金邊粉等。 點擊圖片放大 我哋今晚都有叫椰汁青咖哩雞(hkd68.00),青咖哩加椰汁香!正!唔係太辣,d汁用嚟送白飯同蒜蓉包最正! 泰式炸蝦餅(hkd48.00),呢款係我們嚟親必食,因為抵食夾大件!仲好彈牙!不過上枱後,記住要抖一陣先好食,因為超熱的!小心辣親咀! 因為食晚叫咗咖哩,所以可以叫泰式蒜蓉包(hkd20.00),呢款又係抵食夾大件,有成8塊咁多,牛油味加蒜味香!正爆! 原本想叫泰式炒椰菜苗,但老闆娘話椰菜苗買曬了,所以只好叫了個馬拉盞炒通菜(hkd48.00),今日個通菜有少少失準,唔係話味道方面,而係今日d通菜有少少老口,所以好有質感,但味道係好味的!只係通菜質感有d硬啫! 最後加咗個白飯,埋單唔駛hkd200.00,超抵之選啦! 講咗咁耐,有冇興趣試呢? 泰好味地址:荃灣曹公街8號香車街街市熟食中心3樓25號舖 温馨提示:小妹已食過幾次的建議,如果大家想試,還是選星期一至四吧,因為泰好味由一對泰藉夫婦所開,全間舖頭,只有他們兩人工作,而家好似請多咗個姐姐係度執頭尾,但都係慢,所以由等位、落單至上菜,都至少要等1小時先有得食。我們星期日就係啦,我們7:10分上到去,因為一去到冇位,就等咗大約30分鐘位,再落單,至食完走,已經差不多9時了! 而平日我們去過,在不多人的日子,平均等15分鐘,就有得食了!時間相差很遠呢!而平日的餸菜的份量,比假日多至少多1/3左右呢!