不知不覺間,今年已經係同哈子餅結婚六年了,正苦惱去邊度用膳作紀念晚餐呢,就咁啱係U Food抽中咗個由王子飯店尖沙咀「1881」店送出嘅"特選吉品鮑魚.花膠盛宴(兩位用)",既可為哈子餅慳番一餐之餘,又唔駛再煩惱吃什麼呢! 呢間王子飯店非常就腳,就座落在尖沙咀「1881」的商場內,食完仲可以出去影吓相,拍吓拖,真係sweet爆啊! 座底咗,飲啖靚茶先! 睇吓今晚呢個"特選吉品鮑魚.花膠盛宴(兩位用)"有咩食先? 嘩,都好豐富吓喎! 不消一會,就開始上菜啦,先嚟滋滋補先,杏汁銀肺花膠湯,好正啊!感覺好滋補!啖啖清湯,又唔會感覺太濃未!女生大愛! 小吃:煙薰素鵝、天下第一包、同西班牙黑毛豬叉燒 素鵝,都幾多料,味道唔錯! 天下第一包,有d似叉燒餐包,咸咸甜甜哋,味道唔錯! 西班牙黑毛豬叉燒,好食喎!肉質比一般叉燒嫩同入味! 點擊圖片放大 主菜啦:有海鮮類嘅 ~~ 椒鹽九肚魚及頭抽皇煎焗大虎蝦,九肚魚好香脆喎炸得,加埋椒鹽勁好送酒啊!(如果有酒的話!) 而蝦蝦呢,就真係好大隻,d肉勁彈牙!汁亦好好味啊!勁惹味!好想再吃多隻! 今晚嘅第二主角出場啦!30頭吉品鮑魚伴鵝掌,個汁好正啊!唔太咸!吉品鮑魚炆得啱啱好,"淋"得嚟又有口感,超入味!鵝掌亦都好入味啊!好味道! 而上湯浸時菜同意大利黑松露炒飯,就是壓軸,成日覺得,松露真係好似一陣gas味,所以個炒飯都唔例外,一大陣gas味!係咪咁先係真材實料呢? 不過唔難入口嘅,飯炒得夠乾身,好好味! 最後上埋甜品:生磨黑芝麻凍糕,真係好香濃的黑芝麻味,其實小妹好鐘意黑芝麻制品的,因為覺得香得嚟 ,又健康!同埋佢啱啱好啊,唔太甜!入口又有香香的黑芝麻味同有口感! 大滿足的一餐紀念晚餐啊,好好味啊! 我倆會好好咁記住呢一日! 以上產品及產品資訊,全部由品牌提供