Mask都有高仿貨!⼩心不要用錯,否則美肌變傷肌!

如果大家有睇開小妹的分享文的話,應該之前都有見小妹有試用過 “妝蕾RAY泰國蠶絲面膜(金)及(銀)”啦!
 
原來計之前出現假貨,而加竟然再出現高仿貨。今次同大家解扣吓正貨同高仿貨的分別,等大家做個精明嘅消費者!
 
左邊為高仿貨叫ANJERI,而右邊就是正貨 “妝蕾® RAY Mask” (有正貨貼紙外),其實兩者包裝真係有d相似,而ANJERI係左下角仲寫咗”RAY”公司呢!
 
 
兩個背面都有QR Code
 
 
“妝蕾® RAY Mask” 有入正貨連鎖店必須的中英文說明,包括使用方法、功效、注意事項等等資訊。
 
相反高仿貨ANJERI則沒有相關的中英文資訊。
 

而購買點方面呢,正貨 “妝蕾® RAY Mask” 發售點:全線SASA化妝品(包括香港及澳門地區)、萬寧(包括香港及澳門地區)、屈⾂氏(包括香港、澳⾨門及泰國地區)、Colourmix、卓悅Bonjour、華潤堂、雅施ASTER、天使及阿布泰國⽣活百貨有售; 正版正貨零售商均有發售,認受性及安全性均受到保證。

相反高仿貨ANJERI,只可以在大陸網店、小型藥房售買,香港係冇代理的!

好,再睇吓內裡有咩分別先!

內在方面,一打開塊面膜,味道係有d分別的,“妝蕾® RAY Mask” 係有比較清新嘅味道,但高仿貨ANJERI的香味,就比較假少少,有d以人工香精嘅香味。

而size方面呢,兩者感覺冇太大明顯分別,只係藍色的膜紙 “妝蕾® RAY Mask” 較高仿貨ANJERI為靚,及形狀較為整齊貼服。

比較mask厚度,大家都知,蠶絲質料的mask出咗名,就係夠”薄”,尤如second skin

“妝蕾® RAY Mask” 係比高仿貨ANJERI較為薄d的!

比較mask重量,“妝蕾® RAY Mask” 係有37g重,而高仿貨ANJERI則有32g重

比較精華,睇吓放咗十分鐘後,mask流出嚟的精華液係咩嘢樣先!

“妝蕾® RAY Mask” 係濃厚但較為清透,而高仿貨ANJERI則黏稠,仲帶點氣泡呢!

比較持久濕潤度,將兩個牌子的mask舖平放在冷氣房,吹了40分鐘以上,睇吓會點先!

其實兩者放咗40分鐘後,放隻手指落去呢,都仲有明顯的精華液會沾在手上,兩者持久濕度都唔錯!

最後比試吸收度,兩塊mask嘅精華搽咗上手,有冇見到高仿貨ANJERI好似怪怪咁,搽咗上手一撻撻咁,好似感覺唔多吸收咁?!

但相反 “妝蕾® RAY Mask” 的精華,就好平均咁係我手上的每一分皮膚上

待10分鐘,兩者都吸收咗七七八八後,我再將剩餘的精華按埋等手的皮膚再吸收埋佢,呢度真係比我見真章了!唔好話我偏幫邊個啦,小妹係做呢個測試前,已為兩隻手背磨曬砂!

高仿貨ANJERI竟然起擦子膠碎啊!大家有冇搽臉的時候,起過擦子膠碎啊!即係呢樣嘢,您唔吸收啊,佢就會起呢d擦子膠碎去溜走佢!O…究竟係我唔吸收佢d mask精華定係其他問題呢?就不得而知了!大家自己諗啦!

相反 “妝蕾® RAY Mask” 的精華,在吸收後,感覺滑滑,仲好爽身呢!完全吸收曬!

 

最後,正貨 “妝蕾® RAY” 係唔會因為被侵權⽽改名的,RAY名稱及包裝貫徹如一,並無懼侵權威脅。而范冰冰、林允使用及推薦的面膜寫着「RAY」,⽽並非ANJERI (因為ANJERI在內地市場說RAY才是假貨,ANJERI仲話它們是RAY的升級版呢!)

妝蕾® RAY泰國蠶絲面膜為泰國清萊廠房,原料品質保證,並非一般山寨廠仿冒貨可比擬。

分辨原裝正貨及仿冒品方法:盒上顯示www.rayanskin.net為「妝蕾®泰國蠶絲面膜」原裝正貨和代理商資料,而在網頁裡可見由泰國官方發出之生產及出售合法證明文件,信心保證!

 
睇完小妹的比較,愛美們,自己決定啦!
 
小妹始終覺得用上面的東西,還是用番正貨好!
 
 

免責聲明:是次產品及產品資料全部由品牌提供,本文所發表的全部內容均屬個人意見及感受,並不代表該品牌之言論及立場。如需協助或希望獲得更多有關產品資訊,請直接聯絡該品牌查詢或尋求相關專業意見。如從而引起任何損失或法律糾紛,本人概不負責。

This entry was posted in 護膚 and tagged , , , , , , , , , , , , , , , , , , , , , , . Bookmark the permalink.