HELLO~~第一次係度寫BLOG~~ 希望大家多多支持XDD 今次我帶大家去食年糕火鍋啦~~ 呢間叫做'먹쉬돈나'既餐廳, 我本來以為個名有解釋,但問過人其實係冇既XD 好啦, 呢間野點解咁出名呢, 因為SBS都介紹呢間餐廳, 所以連韓國人都中意去呢道食LO!! 哈, 我好耐之前已經想去食, 但奈何感覺呢間野有D難搵, 到上年我先第一次去, 個次岩岩係濟州落機勁肚餓, 幾經辛苦終於搵到佢,,, 點知勁多人等左幾個字先入得, 但當你食到個一刻你真係覺得咩都抵> 咁點樣落ORDER呢? 我地等位個時佢俾張我地ORDER PAPER(下圖)我地寫食咩, 可能真係好多遊客去啦, 有中文同日文, 唔驚唔識落單! 頭5格就係個鍋入面有咩材料, 咁2個人就ORDER2樣, 3個人ORDER3樣, 唔可以2個1 淨係ORDER1 樣嫁!! 下面個D都係追加既, 我地好似係加多左個面,最後加多個炒飯咁就真係好飽! ►裡面很多都是韓國人啦~ 我地今次ORDER 左最受歡迎既CHEESE 同SEAFOOD。入面有D咩呢? 年糕, 魚片, 青口,CHEESE,等等..... D年糕吸收D湯汁好入味, D汁甜甜辣辣, 加埋CHEESE既香味真係食欲大增!!同樣D面吸哂湯, 總知就係堅好味啦~~我依家已經想飛過去啦!! 不過提提大家個湯會愈煲愈辣, 於是我地係咁飲水同食酸瓜(記住食辣野之前要食酸瓜保護個胃!!) BTW, 接受到既就會上癮, 同埋真係堅多堅飽!! ►BEFORE COOK ►AFTER COOK 食火鍋之後建議大家加多個炒飯, 呀豬媽會用剩返既火鍋汁炒個飯, 韓國人炒飯唔同香港人,D飲濕身D既, 上面加埋D紫菜,即使食到勁飽都會食得哂!! 我地上次食左每人6000WON ($44), 好超值, 多人既話仲可以試多D味=]] 講左咁耐, 點去呢? ♦係安國站一號出口出,前行100M右手邊會出現一間學校(豐文女子高校),右轉後順著石牆小路直行 ►美美的小路, 但不美的我 ♦大概行300M後會看到右手邊有間Family Mart,經過之後就會見到 먹쉬돈나既牌嫁啦, 右轉入去就係啦~ 如果你去完仁寺洞OR去仁寺洞之前都可以去個度食, 事關仁寺洞都係安國站!! ♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦ INFORMATION! 먹쉬돈나 時間:1100-2000 休息:每月第一、三週星期日/新年/中秋節 地址:鐘路區安國洞17-18 (종로구 안국동 17-18) 電話:+82-2-723-8089 ♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦ 歡迎大家LIKE我既FACEBOOK專頁~有更多關於韓國的資訊! https://www.facebook.com/sea.korea