前幾年建大果邊有個藍色貨櫃, 好多人都去影相打卡, 新村都唔執輸, 整番個紅色貨櫃 BOXQUARE! 不過其實無乜特別, 所以我影張相就去搵食lu~ 距離新村地站只有5分鐘路程, 有好抵食既海鮮鍋, 可以單點或套餐, 份量足夠2至3人, 價錢唔過30000won! 我點選左套餐A 24800won, 鮑魚海鮮鍋配養生紫糯米雞煲, 仲有老闆親自刀切麵; 嫌唔夠食仲可以追加九菜餃, 鮑魚等等哩~ 哇~ 養生紫糯米雞煲! 有d似人參雞湯, 不過係黑色版, 而且有原隻八爪魚! 湯底係由雞及紫米燉出黎, 超好飲; 雞入便仲有糯米, 多層次口感, 補身養生, 非常暖胃! 主角出場: 鮑魚海鮮鍋! 雖然只有一隻鮑魚, 但有好多蜆, 仲隻隻都係大蜆; 又有八爪魚... 開動啦開動啦!! 鮑魚乾淨又唔靭; 隻隻大蜆都無沙; 好味好味! 老闆親自刀切麵! 我好鐘意食麵, 雖然食完養生雞湯同飽魚蜆都飽飽地, 但麵係海鮮鍋既精髓, 飽都食得落, haha... 刀切麵彈牙唔會煮到林badbad, 配合埋頭先煮完既海鮮湯底, 正呀~ 新村海鮮刀切麵 신촌해물칼국수 서울 서대문구 신촌로 125 前往方法: 新村站4號出口步行約5分鐘 分享到此為止, 拜拜~ ♥歡迎邀約合作試用♡出席活動♥ fb.me/chanchecheee chanchechee@gmail.com