圍威喂٩⍢⃞⍢⃝۶HappyHour@SkyZone

日日做到無停手, 去Happy Hour輕鬆下Relax下… 唔洗下下都拉到咁行; chur到咁盡~

最近我去左位於大角咀既九龍珀麗酒店30樓 – SkyZone 星域酒廊, 係一個好去處!!

 

圍威喂果晚我同另外三個女仔, 一放工就即刻標去奧運站, 行少少路程, 大概10分鐘左右啦, 就黎到 珀麗酒店 啦!! 位於頂樓30樓既 SkyZone, 有內有外, 環境真係好舒服架!!

話明黎 HappyHour, 放左工就梗係可以放縱一下啦, Beer一beer佢~ 

呢度咩酒都有得飲, 想飲 Special 野, bartender 仲好落意為你炮製添架! ^^~

咪以為而家日日三十幾度好熱, 入夜後坐響 SkyZone 室外, 一d都唔覺悶熱或者焗! 悶悶地仲可以欣賞下夜景!

雖然只係樓景, 但身處高層頂樓, 一d都唔會覺得侷促或者壓迫! 

嘿~ 真係幾靚架!! 

欣賞完夜景, 係時候要開餐啦!!

話明 HappyHour, 點少得野飲呢~

我呢杯係 Cocktail – Windy Walker, 有蘋果; 青檸; 藍莓; 糖漿, 夏日清新味道! Like!! 

飲野貴唔貴呢?? 貴架! 酒水就不嬲貴架架啦 ψ(`∇´)ψ

 

HappyHour必定叫既野食: 炸魚薯條!! 魷魚圈!! 牛舌!!

個人唔食牛, 所以對呢個 燒黑椒牛舌 無comment! 不過呢, 塊塊牛舌都超大片啊!!! 成隻手板咁大啊~

照燒魷魚筒好味! 煙韌帶點爽口, 新鮮! 雖然係高膽固醇食物, 但有幾可成日食喎, 嘻~ 密密食, 我ko左半碟!!

反而炸魚薯條無乜特別… 因為度度都係咁炸架啦 :p

 

 

邊個話睇戲先可以食熱狗? 呢個 星域韓式炸雞熱狗 簡直係必叫食物之一!!!

真係好好味!! 雞肉先炸過, 再加上秘製韓式醬汁, 個醬汁做得好好味啊~ 

就算個熱狗攤左響度比我地影相, 炸雞都無因時間而林晒! 有衝動想encore叫多次黎食!

 

差d唔記得介紹呢個豬牛羊串燒!!

我覺得呢個最抵食! 哇哈哈~ 因為有好多串, 每款有兩串! 食晒成串都唔會好濟, 因為中間夾住蕃茄; 青椒; 黃椒, 而且d肉醃得好好味! 

又係果句啦, 我唔食牛, 所以牛牛 no comment :p 而羊呢, 我好怕好so味, 呢個羊串就岩我啦! 唔太so但又有羊味!

 

就算飽飽都食得落甜品~

火焰雪山!!! 唔係太多地方有得食架咋, 呢個甜品可以算得上懷舊甜品, 哈~

先送上火焰, 但內裡既雪糕無溶架 ^^ 雪糕用上 Papagullo, 再配埋新鮮水果, 食完好清新, 一d都唔覺飽!

再黎多個甜品 – 蘋果金寶!!

多數蘋果批; 蘋果金寶都必定有大陣肉桂味! 呢個有但唔勁, 而且仲幾好味! 好多蘋果, 個皮又脆, 略嫌size可以再大多少少, Wahaha…

Apple Crumble 既做法都幾麻煩幾複雜, 所以都係出去食好過自己做lu~

 

 

嘿~ 我地呢四個就係 圍威喂! 當晚由HappyHour搞到宵夜時段先走, 哈~

 

星域酒廊 位於大角咀大角咀道86號九龍珀麗酒店30樓. 

如有查詢可致電3919-8338與酒店聯絡!

 

 

分享到此為止, 拜拜~

 

 

 

 

 

▀▄▀▄▀▄CONTACT ME▄▀▄▀▄▀

chanchechee@gmail.com





One Comment

  1. PoPo Sebrina
    Posted 2014/08/08 at 11:07 | Permalink

    環境幾好, 野食都好似okay! 都想去試試