面膜專家 ♡ Fancl Whitening Mask

睇電視成日都聽到 Fancl – 18款面膜專家! 講到面膜專家 Mask Expert 咁勁, 我呢期就敷你呢款 袪斑淨白精華面膜!! 睇下有無料到先 :p

一盒六片既袪斑淨白精華面膜, 以突破性美白成分 三類形態維他命C, 針對來自紫外光傷害及肌膚細胞機能下降而引起既色素源頭, 截擊各類色斑!

一包含18ml美容成分, 包括金盞花精華; 持續型維他命C誘導體; 乙基維他命C; SVCT美白導入精華; 橄欖葉精華; 淡斑精華A.C. White; 維他命C‧E複合體; 歐錦葵花精華; 水潤鮮膠原蛋白; 透明質酸!

 

好多時都以為護膚品可以用好耐… 咁你就錯啦!!! 

其實謢膚品同食物一樣, 開封就會接觸到空氣而開始氧化, 內含豐富既營養就會隨時光而流失! 若再放耐D, 甚至過左使用期限更會變質! 所以呢, 呢盒mask未開封都仲可以存放一年; 開左就梗係即刻敷落塊面度啦!!! 

一包入便既精華份量都算OK, 岩岩好!! 唔知點解, 呢個美白mask好有醫學既味道:P

 

Mask 用上獨特三層高密度纖維面膜紙, 好薄身, 而且亦好貼面, 仲可以敷埋眼添~

不過鼻位就唔得啦, 好大個窿, 唔通我個鼻太高?? xDDD

 

另外就係下巴位啦, 同鼻位一樣… 敷唔到囉!! 唯有自行修改啦!!

就係將塊mask “mit”/剪開, 然後再貼番埋佢, 得左!! 咁先敷得到架嘛, Yeah!

Fancl 呢塊袪斑淨白精華面膜唔算好多精華, 敷15-20分鐘就岩岩好! 敷多過30分鐘就覺得有少少乾 (唔知關唔關夏天日呢? 水份/精華都蒸發得快d @@? )

敷完mask我必定會用手指彈琴方式去彈下塊面, 等停留響面上既精華更吸收!!

 

敷完好舒服♡ 而且又唔會立痴痴, 唔會有”漿”住既感覺!! 非常Good呀! 搽番少少面霜就搞掂!! 

至於美白方面呢… 如果一用就即刻白晒, 嚇死人囉!! 所以呢, 美白要長期用先覺見有效~

 

分享到此為止, 拜拜~

 

 

 

 

 

產品贊助及提供: 

– Fancl

 

 

 

 

▀▄▀▄▀▄CONTACT ME▄▀▄▀▄▀





One Comment

  1. PoPo Sebrina
    Posted 2014/07/15 at 11:44 | Permalink

    美白效果都幾好喎! 不過我敏感皮膚唔知會唔會敏感呢