27 Sep 2015… Kraków > Wrocław 今日好好天呀~~ 我地 8 點幾就出發去世界遺產之一嘅維利奇卡鹽礦 (Wieliczka) 喇~~ 我地又係行返去 Krakow Glowny train station, 今次係上咗車先用售票機買飛, 研究咗一陣, 成功買到飛喇~~ yeah! 點擊圖片放大 +3 搭咗廿幾分鐘火車就到喇~~ 行一段仔路就到鹽礦, 第一時間買咗飛先~~ 入鹽礦需要跟時間同有 tour guide 帶住行, 英文 tour 基本上每半個鐘就有, 成人每位 PLN79, 要喺入面影相要俾多 PLN10~~ 我地買咗 9:30am 嗰輪, 仲有少少時間快食個早餐同去個靚廁~~ 喱度個廁所唔駛俾 $ 架~~ 實在太開心~~ hahaaaa 點擊圖片放大 +7 夠鐘喇~~ 有個著住黑衫黑褲嘅男導覽員帶住我地行, 一開始就係咁落樓梯~~ 係咁行係咁行....完全唔知行咗幾多層 (official 話係 350 級), 終於都到喇~~ 點擊圖片放大 地低嘅溫度大概 14-16 度, 每行一段路, 就會有道好大嘅門隔開, 每到一個地方導覽員都會講解, 基本上成個過程會見到好多鹽嘅雕像, 一 D 模型, 介紹鹽礦嘅歷史, 仲有有 D 採礦工具同機器, 模擬以前開礦嘅情景... etc... 點擊圖片放大 +22 最靚嘅就係聖金加教堂 (St. Kinga's Chapel), 一行到喱個位真係忍唔住”嘩~~~~ “!! 教堂嘅天花有好大好靚嘅鹽吊燈, 教堂裡面仲有祭壇同埋好多神像, 牆上面刻咗好多浮雕, 內容多數係聖經故事, 其中一幅浮雕係 ”最後的晚餐”~~ 成個教堂都係鹽造, 真係冇諗過鹽造嘅教堂可以咁靚~~~ 點擊圖片放大 +12 之後去到一個湖咁嘅地方, 水底有 D 燈照上黎, 成件事好神秘~~ 點擊圖片放大 +2 再行到一個地方有個好大型嘅木架咁嘅物體, 話係用黎支撐鹽礦結構嘅, 當然之後有再加工啦~~ 之後仲有個好細嘅水道位, 話以前 D 礦工會用喱 D 水道喺鹽礦中穿梭嘅~~ 點擊圖片放大 +5 基本上成個遊覽差不多完結, 成件事大概三個鐘, 最後就經過一間餐廳, 一個賣紀念品嘅地方, 之後就搭返一架好似個籠咁嘅電梯返上地面~~ 架電梯又黑又快, 完全覺得好似玩緊機動遊戲咁~~ hahaaa 點擊圖片放大 +4 上返地面, 我地再喺紀念品店行咗個圈, 有好多唔同嘅鹽製品, 我買咗幾棵細嘅”鹽樹”裝飾~~ 行返去火車站嗰條路都有一排賣紀念品嘅店~~ 之後我地就搭火車返市中心, 喺商場入面是但搵咗間餐廳食 lunch~~ D 嘢食都唔錯, 有個魚嘅賣相仲好特別 tim~~ 我地之後仲喺一間店買咗個雪糕食 tim~~ 喱度 D gelato (意大利雪糕) 超平呀!! 點擊圖片放大 +6 食飽飽就慢慢返 apartment 拎返亞仔, 又再行返去火車站, 搭 16:23 火車過波蘭嘅另一個城市 Wrocław~~ 點擊圖片放大 今次搭 3 個幾鐘就到喇~~ 一出站已經天黑 lu~~ 我地喺的士站等的士啦, 但係發現好多人都唔係喺個站度上... 同搶的士冇咩分別.... 我地極度迷惘.... 都唔知應該點截法.... 最終都俾我地上到車, 去我地住嘅 Exclusive Apartments~~ 點擊圖片放大 嘩.... 巧大間呀~~~~~~ 我地去到先知有兩層... 下層係廚房 + 客廳 + 飯廳, 上層有兩間有露台嘅房 + 浴室 & 廁所~~ 好正呀~~~ 點擊圖片放大 +15 咁啱今日係中秋節呀~~ 出發前我地已經準備咗月餅, 燈籠, 仲有螢光眼鏡~~ wakakaa~~ 我地喺五星級的家開咗個大窗, 煮埋公仔麵, 一齊對住個又大又圓嘅 moon 賞月加做節~~ 波蘭嘅月亮一樣咁圓!! 哈哈~~ 適逢中秋亦係小女子嘅舊歷牛一, buddies 仲同我切月餅慶祝 tim~~ 超開心呀!! 我地仲突然自 high 三條傻婆喺度玩 “physical”... wakakaaa~~ (註解: physical 係一首 80年代好 hit 嘅英文歌... 懂的自然懂啦下... hahahaa), 就係咁我地渡過咗一個好歡欣嘅晚上~~~~ 點擊圖片放大 +5