寶貝女話: 我就嚟二年班喇~ 咁快又一年,上年呢個時候,我同好多爸爸媽媽一樣,為小朋友升小一嘅適應開始擔心,媽媽喺書展<家庭基建>就買咗呢套《升級大作戰》,為升小一有機會遇到嘅問題做少少心理準備。 每個章節入面除咗有生動嘅人物同小故事,仲有一啲適應練習同處理方法,好啱小朋友同家長一齊討論。 除咗學習處理問題,我相信呢本書最大嘅優點,就係可以建立小朋友嘅同理心,自己適應得ok,見到其他小朋友成日喊,好緊張,都會明白可能係未適應,懂得包容,同時又能夠提供協助或安慰,課室氣氛都融洽啲啦~ 提提大家,圖書館有呢套書借架 ~ ~希晴媽媽與寶貝女~facebook連結