終於寫到喺斯德哥爾摩最後一日,因為之後就去挪威Tromsø睇北極光啦。今次就主要去睇睇博物館,而有好幾個係小弟特別推介,唔留意就走寶啦。 第一站:去皇宮外睇換崗儀式 去皇宮(瑞典文係Stockholms slott或者Kungliga Slottet)其實都好簡單:先搭地鐵去古城站(即係Gamla Stan),再行番入去Stortorget然後喺諾貝爾博物館後面過就到啦。 話口未完就見到皇宮專用V70,咁就跟住部車出到去大街睇睇 點擊圖片放大 莫名其妙嘅歸屬感 XDDDD 點擊圖片放大 再對錶時仍然尚早,所以就入去諾貝爾博物館參觀一下(有暖氣都好吖) 上面有好多諾貝爾得獎者嘅資料透過天花嘅輸送帶帶過㗎 點擊圖片放大 二千年頭之世界大事,電子相機普及化 ...好,夠鐘!出去睇換崗儀式! 又再走番去河邊影相 開始聽到聲啦,啲車都停埋;然後鏡頭一轉... 點擊圖片放大 +2 第二站:睇船咁過癮? 瓦薩沉船博物館 Vasamuseet 地址:Galärvarvsvägen 14, 115 21 Stockholm, Sweden 網站:vasamuseet.se 睇完換崗儀式就去醫吓個肚啦。瑞典都好興食熱狗㗎,不過食法同美加有啲唔同。重點嚟啦:20 SEK起跳!可能對比香港茶記同三大快餐店價格差唔多,但係瑞典版豐富啲! 最明顯分別係條腸長過條包!仲可以加蝦沙律、薯蓉等等上去!又係嗰句:收信用卡!(香港勉強都話收八達通,美加就...攞定啲「散鐳」都得咯!) 難得大排長龍都抵! 咁搭巴士又電車咁再入去Djurgården,但喺北歐博物館Nordiska Museet度落車,再行入去瓦薩沉船博物館Vasamuseet啦! 仲喺度搵路嗰時就有個韓國旅客問路,話點去搭渡輪去市中心定皇宮。咁我就話搭7號叮叮就得㗎啦!佢哋驚奇以為我係喺瑞典讀書定生活!我話唔係呀,我都嚟咗幾日啫! 終於搵到個入口啦 點擊圖片放大 +5 第三站:去北歐博物館睇傢俬? 北歐博物館 Nordiska Museet 地址:Djurgårdsvägen 6-16, 115 93 Stockholm, Sweden 網站:nordiskamuseet.se 我去過咁多博物館,最鍾意去歷史博物館之類嘅地方,因為好多時會set咗個場景去還原遠古時期嘅情況嘛。而北歐博物館呢,本人認為唔去就錯過好多嘢!君不見今日家居嘅簡約風喺邊度發起?咪就係北歐嘛! 一入去就俾白色北歐簡約風吸引住啦 而今次主打係:家居燈飾! 點擊圖片放大 +5 聖誕節嗰時掛喺窗嘅七角星(係咪想唱幸運星呢?) 點擊圖片放大 有冇網友係Miffy迷? 開始進入戲肉:北歐室內設計歷史及轉變。由於太多相,不解釋,請各位細心欣賞! 城市規劃 點擊圖片放大 +5 Space Age咁款,正呀喂 點擊圖片放大 +7 所以瑞典設計就係型! 睇完,再落下一層前再影燈展 遠古時期嘅生活就係咁啦 跟住就睇衣著轉變啦 乜「有酒今朝醉」咁聲嘅?(自己睇,係咪好似?) Scooby Scooby Doo, where are you? 單車裝;我諗今時今日咁著實熱死 BB車停車場 另加:聖誕睇樓團! 各位,入嚟呢個示範單位睇睇啦 睡房夠光猛,可以容納兩張床 廚房間隔四正,乾淨企理 上面有牆櫃俾你擺嘢食,夠哂方便 浴缸全部白色,清理算容易 個馬桶舊式啲,歡喜嘅話可以再換個新嘅都冇問題吖 XDDDD 客廳都好闊落㗎 點擊圖片放大 第四站:夜遊Medborgarplatsen 話說我哋同瑞典家庭(係我其中一個旅伴嘅朋友嘅屋企人!)食完飯後,就行吓出邊,當係消化吓咯。行行吓就發現:乜咁三藩市feel嘅?原來就去咗一個叫做Medborgarplatsen嘅地方。 點擊圖片放大 +5 第五站:睇攝影展 攝影展覽館 Fotografiska 地址:Stadsgårdshamnen 22, 116 45 Stockholm, Sweden 網站:fotografiska.eu 之後我哋繼續行程啦。由於巴士地鐵唔就腳,所以就大長征咁行去啦。 不過夜境就真係好靚,冇美東加東咁頹。 點擊圖片放大 +3 終於到咗啦。不過由於當時小弟部手機啲電唔夠,影得唔多,但都俾大家睇少少。 點擊圖片放大 睇完之後就行去地鐵站番去homestay咯。 就咁樣,斯德哥爾摩自由行就完啦。下一站就去挪威北部,一個名叫Tromsø(音讀:Troom-SUH)睇北極光!究竟睇唔睇到呢? 臉書專頁:在此