利申:我同時有Asia Miles同Aeroplan會籍 我對上搭國泰係「咸豐年前」嘅事,講緊係九十年代中去星馬!之後移民加拿大後就轉去加航同聯合(即係Star Alliance系列啦)。 通常往返香港多倫多都係搭加航,但今次點解轉去國泰?六個字講哂:天時地利人和!(註:咁啱國泰做promo,再加上香港喺二月時取消燃油附加費,計埋條數仲平過加航!公幹遇著呢啲,大家開心嘛!當然有我多倫多有弟兄做旅行社訂機票,收風準嘛!) 2/17: CX825 YYZ - HKG 喺多倫多都知道國泰有兩班機番香港:CX829同CX825。大學時期同學圈子最興係搭凌晨機番香港(即係CX829),但係1:45am多倫多時間飛,5:00am香港時間到,我可能一到酒店就瞓到隻豬!所以呢,就搭CX825下晝機啦。 又唔係排好耐咋喎 香港人習慣影登機牌,咁人喺多倫多都唔例外 咁喺咁長時間喺飛機都要食嘢㗎。飛機餐唔好食,呢啲就見仁見智啫。不過呢,我會因應出發地而決定叫乜餐,甚至要喺Asia Miles網站改嘢都在所不惜。 加拿大出發嘅,叫牛就冇錯㗎啦。有牛腩(好似係,總之好嫩!)、薯蓉、同豆豆。結果:碟碟清!(如果喺美加食同樣嘅,送幾碗飯都制!) 雞肉糙米沙律,夠哂健康 如果真係對比加航同國泰嘅機上娛樂嘅話,國泰勝出。大量歌聽同視頻睇!今次仲有Top Gear睇!當然初頭都唔係好識用,淨係搵音量同光度控制都搞咗一陣!原來係㩒螢幕下嘅藍點就得。 咕嚕肉飯反而似我以前番工番學帶嘅叮叮飯,但啲豬肉勝在大件,仲唔乾嘅! (閩南語歌「回鄉的我」)已經倒返來 已經成功倒返來 番外篇:Asia Miles換住宿 如果移民太耐香港冇屋點算呢?住親戚朋友屋企又唔好意思,酒店又貴。好在!我啲信用卡實在太「生性」,轉入Asia Miles後原來可以俾我換幾晚住宿! 無他嘅,熟悉Asia Miles就知道三年啲分唔用就過期,不如先攞嗰啲分換啦! 結果就揀咗位於新蒲崗嘅九龍貝爾特酒店 Pentahouse Kowloon啦!勁有本土特色的! 點擊圖片放大 +3 後來仲遇到嚟自厄瓜多爾嘅遊客。趁啲西文仲未凋淡嘅話就簡單溝通同教佢哋搭巴士。睇嚟呢間酒店都吸引唔同國家人士喔。 2/21: KA1112 HKG - PEK 呢班係中國航空主力啦,所以冇得網上check-in,所以連教會都番唔到就衝去機場。(唉) 本來係下晝機,但係因為早到現場check-in,原來中午機有位!結果又衝入閘,再喺food court頹食。 飛的經Highway 7...呀唔係,係七號幹線去機場 機上冇影,因為太頹啦我。都預咗冇廣東話廣播,但係...呀呀呀呀呀! 北京當時天氣同多倫多冬天(冇落雪)冇分別,咁我嚟亞洲避冬天幹嘛?(頹) 2/24: MU5154 PEK - SHA 乜相都冇影,同埋冇嘢食... 唔緊要,留番個肚食上海嘢。(笑) 2/26: KA805 PVG - HKG 似樣少少啦。機上娛樂同國泰一樣。 小南國嘅秘製醬炒雞球是啥?試吓先... 過得去啦,不過有幾條疑似jalapeno辣椒過癮吓都唔錯。 3/2: CX739 HKG - SIN 久違了嘅新加坡,我來了! 今次個位前面係牆,所以腳嘅空間加長咗少少。(樂) 有我最鍾意聽嘅RubberBand 沙嗲牛肉飯...我即時諗起沙嗲牛肉粉絲煲!啲味一樣嘅!(梗係啦,喺香港出發喎。)結果:碟碟清。 3/4: CX734 SIN - HKG 少少蝦碌啦:延遲咗廿幾三十分鐘;早啲打個SMS或者電郵嘛,搞到我入埋閘先知。跟住嗰機上娛樂好似運作冇咁順。 但係呢,既然喺新加坡出發,梗係要改飛機餐先過癮啦,況且hawker center food未食夠。結果我晨早去Asia Miles網站改膳食為印度餐!冇錯:印!度!餐! 正呀!!!!相信喺新加坡嘅廚房整嘅,會地道好多。 唔記得咗係乜嘢麵包物體。係pakora類嗎? Masala Dal 魚飯!仲要係basmati rice。咁就啱啦! 隔住個mon都仲聞到香味 唔知叫乜名嘅印度甜品,但好好味 結果:碟碟清。我喺多倫多睇嚟要拜訪印度餐廳回味吓咯!(下次新加坡飛香港試清真餐睇吓有乜先。) 3/12: CX826 HKG - YYZ 由於之後拉斯維加斯有會開,唔可以久留香港,要走啦。唔緊要,來日方長啦,始終香港是我家。 點擊圖片放大 +3 太攰,唔記得嗌咗乜嚟食,但好似係雞。早餐反而冇乜特別,冇影。 跟住個USB叉電又唔work。唔緊要,番到屋企先叉手機唔差得太遠呢。 但係我後面又係牆,所以調教個座位角度後明顯瞓得舒服!哈哈! 結論: 咁我會唔會下次回港揀國泰?會啦。如果有一次係搭凌晨機我會試。 但係整體觀察加航同國泰,再加上信用卡儲Asia Miles(直接或間接)最快,今次係國泰勝出。(但係到現時為止我未有打算加入Marco Polo Club住。) 咁加航點算?北美南美航程照舊。(其實一有分入Aeroplan就「永續經營」,冇所謂。)但唔排除因工作之便會搭American Airlines嘅。 當然希望之後唔好遇到延誤呀、被困飛機幾個鐘嗰啲「陰公嘢」啦。邊間都係咁講。哈哈! 網友們你哋有冇搭飛機嘅新發現呀?不妨嚟臉書專頁大家討論吓!