好明顯打呢篇文時我人終於喺香港啦。哥倫比亞波哥大好好玩呀,但容許我先上載尋日去咗市集嘅網誌先。點解?因為得尋日同今日有囉! 喺我回港冇耐我收到「堅料」話喺荔枝角嘅D2 Place有週末有市集睇,有嘢食。講起市集,當然係撐小商戶啦,特別係啲負責人係我哋呢啲年青一代啦。(香港有希望了!) 有乜好嘢食?好嘢睇?(話時話喎,今次用Xperia Z5 Dual影相,會更加清同更加靚) 去睇嘅當然喺年青人啦 是次市集以威尼斯嘉年華為主題 點擊圖片放大 +3 雪條熱賣! 望落好得意(頂癮?)嘅甜品 版主推介:唔記得咗全名但係有酒味嘅生果雪條(請準備身分證證明你夠18歲或以上) 同熱愛這片土地 版主推介:留意一檔叫做B for Baking嘅攤位,個芝士蛋糕brownie唔會甜到漏㗎 版主推介:要結他pick嗎?有熊本熊、趴地熊㗎 好想攞佢彈喜氣洋洋(有商科底嘅網友們:你懂的) 原來仲有空中花園 再次提提大家,今日個市集1pm開,8pm收,完崇拜/飲茶/梳洗就計啱時間去荔枝角啦。 地址:九龍荔枝角長義街9號D2 Place一期2樓 FYI: 新電話選用Sony Xperia Z5 Dual。無他嘅,美加港中電話卡任配都得啦,出差超方便。影相超清的(不過通常上載相片就難免再壓縮嘅)。留意香港格價網嘅最新價格先出街買呀。