我真係好鐘意食馬卡龍 鐘意佢個種外面脆脆地, 入面煙煙韌韌 因為出面要成$12-20一粒 我又成日都想食 所以忍唔住去左學 不如同大家分享下個食譜, 鍾意食馬卡龍嘅SIS都一齊整下啦: 材料: 杏仁粉 40克 粟粉 5克 糖粉 38克 蛋白 40克 (等於一隻多小小) 沙糖 38克 色素 最多一茶匙 (太多會苦架) 餡料: 無鹽牛油 80克 糖霜 40克 生果茸 (士多啤利) 16克 做法: 1. 用最快速打起蛋白, 見到有細泡就停, 之後加1/3沙糖, 轉中速, 打致杰身, 再加1/3沙糖, 用慢速,有少少結實, 加埋最後個1/3沙糖, 慢速再打, 致有彈性可停 (記得唔好打太耐) 2. 之後加入你想要的色料拌勻 3. 先篩入糖粉, 再落粟粉及杏仁粉 (篩完後, 用刮 以”拌勻邊, 中間切”的方法, 越拌得耐, 餅會越偏) 4. 唧在不黏布上 5. 如有泡可大力撜平, 待30分鐘或以上 (可用風筒吹致不黏手) 6. 焗爐預熱開160度15分鐘, 入爐加多一層焗盆在底 (無多一個焗盆可以用瓦通紙包幾層錫紙) 7. 入爐放中層轉用150度焗10分鐘至有裙邊 (可先試6分鐘再加時間) 8. 轉120度放底層及焗盆放中層焗10分鐘, 再轉100度焗約5分鐘便可 餡料: 1. 將無鹽牛油打至軟滑 2. 加入糖霜打勻至奶白 3. 加入生果茸拌勻 4. 最後用唧落餅中, 夾好 完成品 係咪好靚呢, 同出面一樣架 小TIPS: 1)起裙邊嘅關鍵在於粉團表面是否完全乾透 2)杏仁粉可選用市面上既"特幼杏仁粉 3)爐溫都好緊要, 因表面好易黑左