講起鑽石,唔少女士馬上瞳孔放大,眼睛明亮起黎。無錯因為鑽石就係閃閃發光,所以有種令人著迷既感覺。所以要令自己更迷人,第一樣當然係有迷人既眼睛。但都市人一向都係晚睡早起,而且用手機睇野既時間亦都好長,對眼唔單止唔迷人,亦都見到眼圈眼袋大過5蚊銀。睇到呢度,應該好心表同意吧。而我講咁多,當然係有好介紹啦~近日收到Lancôme 升級版冰鑽亮眼肌底液,佢可以令雙眼明顯更顯亮大 4mm²,有效改善眼袋問題,明顯減少眼部浮腫同黑眼圈,令眼周肌膚柔滑細緻,雙目炯炯有神。講到咁犀利, 馬上試俾大家睇先~ 升級版冰鑽亮眼肌底液以嶄新配方同完美冰鑽按摩棒打造。配方同設計都拎左七項專利。全新設計既冰鑽環迴按摩棒以醫療級物料製造,用法靈活流暢,同精華既特強功效完美結合。 而呢個咁專業既設計,當然要配合返一個專業按摩動作,針對解決重點問題 係早晚用冰鑽環迴按摩棒係眼睛上同下面位置輕力向左右來回滑動。以簡單步驟令眼睛重新注入活力,減淡眼袋,預防皺紋及細紋,還可以令眼睛變得更大: 1, 用按摩棒係眼睛下面快速打圈,由內眼角畫向外眼角,撫平黑眼圈同眼袋。 2, 將冰鑽棒頭按係皺紋一邊,沿著皺紋來回滑動,減淡細紋同疲勞跡象。 3, 將按摩棒按係穴位上,棒頭同肌膚成直角,用棒頭輕按眼周各個穴位。 點擊圖片放大 其實佢一次沾到既分量都幾多,所以我通常都會平均放左d精華係眼下面,之後先開始按摩眼部,佢既冰鑽棒真係好配合佢既名字,因為第一次使用時,真係覺得好好凍,令我覺得眼既疲倦感馬上被吸走。雙眼馬上變得精靈。 對比未用精華前,我既黑眼圈真係淡左好多,而且四周既眼肌都變我好柔滑。 (左圖無用,右圖係用左精華) 用後感: 我自己用左大概2個星期,真心推介俾大家,因為用左之後,真係馬上見到效果,黑眼圈明顯淡左,而且眼周肌膚真係變得好滑。而持續用一星期後,更加見到d皺紋減淡不少,笑起上來既摺紋亦都無咁深。尤其自己過左三十,更覺得眼紋要好好正視。升級版冰鑽亮眼肌底液你絕對需要擁有。 分享就到呢度喇,希望大家鐘意啦~ 免責聲明: 是次產品/產品資料由品牌提供,本文章內容屬個人意見及感受,並不代表該品牌之言論及立場