轉季喇,轉季喇,轉季喇.......唔係因為呢件事重要,而係一到轉季又有麻煩既情況發生係我既皮膚上,個樣就係敏感。我自己本身無濕疹,但就有皮膚敏感,一遇上天氣轉變或掂到d唔太乾淨既物件就會起出好似風疹一樣,局部位置會突然好痕同埋有D密麻既小疹子係個個位置上。而最重要係非常難睇,泛紅及疹子起碼要一晝先可以慢慢退下,但其間皮膚都會幾痕,所以一收到Kiehl’s新推出既醫學紓敏系列產品,我馬上覺得救星黎我太合時喇~ 今次推出既新產品係Kiehl’s研創專為敏感肌而設既修護孖寶,包括醫學紓敏修護潔面乳同醫學紓敏修復霜。呢兩款修護新星既配方,都蘊含性質溫和又功效顯著既積雪草精華,最最最重要係佢地係以100%敏感性肌膚人士為臨床測試對象啊。 先黎介紹一下,我個人覺得驚喜十足既醫學紓敏修護潔面乳先,佢特別含有酸鹼值平衡既配方,同頭先介紹過既積雪草精華, 除左可以去除面上污垢、油脂同雜質外,同時亦可保濕、呵護同強化敏感肌既屏障。 我諗大部份人都有我呢個經驗,就係就算市面上有d聲稱性質溫和同防敏配方既潔面乳好多時都係洗個下,同洗完之後5-10分鐘係仲感覺濕潤,之後肌膚又回覆返崩緊,什至比未洗之前更乾,但Kiehl's呢隻新產品唔同,佢本身既洗面乳有種似油膏咁既質地,除左唔含至敏成份酒精、香料同肥皂外,佢亦都無況,所以初次洗既時候既感覺我以為好似洗激都仲有油脂係面上,但過水後,皮膚唔帶油脂之餘,係FEEL到肌膚底層既滋潤,而且真係keep到1-2小時後唔搽任何保濕產品都不覺崩緊。 (另外Kiehl's都考慮到極敏感膚質人士既需要,水對佢地黎講都太強烈,所以呢個潔面乳除左清水洗之外,亦都可以用紙巾抹架。) 可以睇下我左圖既相片,係未洗面前,皮膚係有油脂,但都見到皮膚係唔乾燥既,而右圖係洗完後,同樣見到皮膚唔乾燥,但就明顯見到皮膚係無左表面既污垢同油脂~ 另外一個新品係醫學紓敏修復霜,同樣經測試證實有助鞏固、修復同保護受損肌膚既鎖水屏障,令肌膚回復健康狀態。而呢款乳霜亦有助修復受損肌膚。 Kiehl’s 新出既修復霜,實證顯示可即時改善肌膚質感,提供 48 小時保濕功效,只需 3 日, 就可以減退泛紅現象同細小乾紋。 左圖係我用完潔面乳洗完面後一小時,咩都無搽既狀況,都真係幾滋潤,之後搽返醫學紓敏修復霜,中圖所示有少少錯誤示範,正常應該唧半粒豆既分量就夠全面,而家過多了,但搽完之後,原本鼻翼位有泛紅既地方,都真係慢慢退紅,而且因為真係佢既滋潤度太足,所以我一整日只搽佢就ok~ 好喇我既分享就到呢度,希望大家會鍾意啦~ 免責聲明: 是次產品/產品資料由品牌提供,本文章內容屬個人意見及感受,並不代表該品牌之言論及立場