一夜修護@Kiehl’s薑葉秋葵緊緻晚安面膜

一講到秋天,大家都會開始傾起秋冬要轉季,要進補,食d咩秋冬既食材…..等等,而我自己秋天第一樣野諗到都係護膚先,雖然365日都係要護,但到左唔同既季節所用既護膚品自然都要改變下,好似而家呢個季節,開始轉涼同感覺有少少乾燥既天氣,除左平日既保濕產品外,亦都需要勤d敷下mask,而近日CarTungBaBy就收到Kiehl’s既新產品—薑葉秋葵緊緻晚安面膜。快d睇埋落去以下分享啦~

 
 
今次呢個面膜係一個sleeping mask,除左一般保濕功效之外,亦都可以係夜間修護,緊緻提升肌膚,
肌膚一夜間擁有柔滑光感。
 

佢既質地係好厚身,有d似乳霜,但我幾鐘意佢既味道,有淡淡既薑味。而且搽上面又唔覺得好黏膩,好快就被皮膚吸收LU~
用法: 晚上用完精華後,取適量面膜分量, 由下至上輕按面上肌膚 ,第二朝用清水洗淨就OK架喇~建議一星期最多使用5次。
 

記得搽既時候由下至上,咁先可以做到緊緻效果架,開頭我以為呢個面膜會有少少微熱,因為佢成份有薑,但原來係無,但我自己係feel到搽既時候真係有少少崩住,令面更V字既感覺,而佢滋潤度真係好高,假如我前一晚夜訓或者訓得唔好,第二早起身我既皮膚都唔會見到殘左,而且仲保持皮膚望落飽滿既狀態。
 

而家我用左個幾星期,一個星期大概用3次倒,皮膚除左維持水潤之餘,面上既細紋亦都淡化左,而且面型既輪廓亦都變V左,整體提升同緊緻左。

好喇,我既分享就到呢度,希望大家鐘意啦~
免責聲明: 是次產品/產品資料由品牌提供,本文章內容屬個人意見及感受,並不代表該品牌之言論及立場

Posted in 護膚 | Leave a comment

只需7天,肌膚重現年輕光采@Lancôme Advanced Génifique

只需7天,肌膚重現年輕光采,呢句金句只可以講係只配Lancôme Advanced Génifique,一聽到就知係講緊Lancôme Advanced Génifique,而我早前就有幸受邀請出席Lancôme Advanced Génifique既活動。

當日落雨,搞到個booth有少少濕濕地,但都無損我去周圍逛既心情。佢地既BOOTH周圍都係以營光色同黑色做主色調,令小黑瓶多左一份冷艷同cool既感覺。
 
 

而身為小黑瓶既FANS我當然都係著返黑色黎襯佢啦~
   

而大家最最最急於期待既係試用,而我呢d fans當然唔係試用咁簡單了,係要廣傳佢既好~我當日有試係手背,其實喜歡佢既原因好簡單,因為佢好快被吸收,而佢亦係我皮膚既第一道屏障,為我既皮膚打好底層~睇下質地真係好清爽。

 

而走既時候,我除左拎埋小黑瓶之外,大會更為我地準備左花,太窩心~

其實都有人問過我,我皮膚點解咁好,我唔係自誇,我極少去做facial,去做機既FACIAL次數更加係10隻手指數我完,其實個人覺我皮膚底層打得好,已經係為皮膚做好左八成。而呢叫打好個底?就係一定一定搽肌底液。

咁成日話7天改善,咁改善左D咩呢,其實佢可以減淡細紋及皺紋 ,令讓肌膚更透亮有光澤,令膚色更均勻,膚質更柔滑細緻
而佢係滴管方式設計,基本一扭出黎,一唧係手就已經係所需分量。
   

大家都見到佢質地真係好水潤,而且一搽上面好快就被吸收,不過我自己就鐘意搽肌底液時按摩面既,因為可以幫助血液循環之餘亦可令肌底液更均勻吸收。
 

 

睇下,我既面係幾有光澤,而且大家都可以見到皮膚係更富彈性同水潤,所以肌底液係幾咁重要呢~
 

而Advanced Génifique同樣有埋眼霜,佢可以擊退倦容,減淡黑眼圈,而呢2個寶貝,我真係缺一不可。聽到呢度既介紹,大家係咪都好想試呢? 仲等咩,快D去最近既Lancome買支啦~

FACEBOOK: https://www.facebook.com/lancomehk/
網址: www.lancome.com.hk

免責聲明: 是次產品/產品資料由品牌提供,本文章內容屬個人意見及感受,並不代表該品牌之言論及立場

Posted in 護膚 | Leave a comment

我變成了烏卒卒@HoLan’s 荷蘭氏毛穴淨化竹炭黑面膜

烏卒卒,好似好似一隻黑蟋蟀???無錯,今次我真係化身成烏卒卒,點解?因為我今次試用既係HoLan’s 荷蘭氏毛穴淨化竹炭黑面膜,佢含天然竹碳粉,可以深層清潔皮膚既髒污,解決老廢角質堆積問題,令肌膚潔淨、透白。而呢個就係我由烏卒卒進化成白雪雪既法寶了~

HoLan’s 荷蘭氏毛穴淨化竹炭黑面膜既成份當中亦含金盞花,相信大家都知金盞花係可以幫助舒緩敏感同時淨化肌膚,令肌膚可以抵抗外在刺激。

一打開蓋就見到烏卒卒喇,佢既啫喱幾厚物,抹上面係幾堅廷,而且佢又唔係真係實的的既黑。而感覺十分冰涼,好似會幫助修細D毛孔咁。
 

個人比較喜歡用掃上面膜,因為較為平均,洗臉後全面厚厚塗抹,敷約30分鐘後,之後直接用清水洗乾淨即可。P.S一定要厚敷啊~
 

敷完30分鐘後,個凍膜只係乾左少少。清洗乾淨後,除左覺得皮膚淨白左之外,更覺我肌膚水份十分充足。
 

而鼻上既黑頭亦都見到真係少左D。持續每星期使用一至兩次,更可以擊退粉刺、老化角質。
(左圖係使用前,右圖係使用後)
  

用後感:個人覺得佢深層清潔既功效真係好好,尤其係鼻上黑頭,使用一次就已經見到效果,而且佢好在係敷完後,皮膚仍感覺水潤,不會覺我崩緊,而且還幫我皮膚降紅。而佢價錢都幾平,一大樽都只係百幾蚊,用到好多次啊~真心推介大家試試~可以令你有淨白肌膚啊!!

香港獨家分銷商 我的公主美妝店 My Princess 購買點 :https://www.myprincessyoyo.com/product-4153.htm

 
產品  HoLan’s 荷蘭氏 毛穴淨化竹炭黑面膜 250gm 由官方提供
免責聲明: 是次產品/產品資料由品牌提供,本文章內容屬個人意見及感受,並不代表該品牌之言論及立場
Posted in 護膚 | Leave a comment