8分鐘速效舒潤@櫻之戀蘆薈絲瓜淨白肌能面膜

8分鐘?真係8分鐘就得?平時D面膜都要敷成15-20分鐘啦。真係無講錯呀,全新既升級版櫻之戀蘆薈絲瓜淨白肌能面膜因為採用左仿生科技研製而成既天使纖維膜布,以高回彈力、高柔韌度同高滲透性,可以極速將當中既營養精華滲透肌膚底層,所以只需8分鐘,就可以打造出天使潤滑肌膚。而且新配方添加左櫻花萃取,加強美白保濕功效,令肌膚更白更滑。我之前都有用過佢地既面膜系列,都已經覺得佢地既布膜好透薄。唔知今次帶俾我咩新驚喜呢?

佢一盒有8片,蘆薈絲瓜淨白肌能面膜可以舒緩調理肌膚,美白保濕。日日敷都可以架。只需要洗臉後,取出面膜敷係臉上約8分鐘就可以架喇~
 

佢既希膜真係好薄,薄到我敷既時候都好似睇唔到,而且覆蓋範圍好多,連眼肚位置都照顧得到。
   

下巴位置既邊緣位都好貼面,而且佢精華真係好多,袋內都餘下好多精華可以搽係身體其他地方。而我最鐘意佢既精華味道,有淡淡既絲瓜味道。令人感覺好放鬆。
 

敷完8分鐘果然真係有20分鐘既效果,我按埋餘下既精華之後,都feel到皮膚係飲飽水,而且皮膚提亮左唔少,尤其係最明顯係上左妝之後,d皮膚係白唔到需要用太多既粉底,已經可以好自然透亮有光澤。
 

如果你都有興趣了解櫻之戀既面膜系列就瀏覽一下佢地既facebook啦:
https://www.facebook.com/skincareoflove/

好喇我既分享到呢度,希望大家鐘意啦~
以上產品由品牌提供試用

Posted in 護膚 | Leave a comment

同敏感Say no way@sexylook 酵素面膜

唔知有無人敷過D面膜係唔岩自己用?我自己就試過,敷完之後敏感,不單止無變靚到,仲樣衰左,D粒粒豆豆出曬,成塊面都紅曬tim呀~而sexylook既酵素面膜就岩晒d敏感肌膚、懷孕媽咪用,總之就任何膚質都岩用啦~一於而家馬上試試先~

Sexylook 呢款面膜係首創二合一酵素面膜,一塊面膜,兩種功效: 角質微整理 + 精華再導入,先令角質溫和代謝,保養精華先可以順利抵達肌底。佢係有分日同夜既版本。
夜酵面膜:可以代謝臉上一天既污糟同妝容,整肌同時保濕。
日酵面膜:為你去除肌膚一晚既老廢角質,拋光同時美白。
今次試用既係夜酵面膜,一盒入面有4塊。
 

夜酵面膜主要係做保濕,佢含黑糖精華同玻尿酸,可以係晚上為肌膚流失既水份補充返黎,只需要敷上10-15分鐘,完美肌膚馬上level up~
 

留係袋內既精華不太多,但可以敷上面膜後,再係面膜上補充返餘下既精華,令皮膚可以吸收更多~

我覺得佢既面膜精華質地好好,係水質,而且又唔會太多,多到滿瀉。敷上面後感覺好快被皮膚吸收。而且佢佢既布膜好貼面,覆蓋位置都幾多。尤其係邊緣位置都好貼服。不錯~
   

眼肚同鼻翼位置都算覆蓋好多,而且都包得好密。
 

敷完15分鐘後,我個人覺得好有驚喜,會感覺到皮膚真係吸收左布膜上既膜華。摸摸面時,會即時覺得面好有彈性,而且亮白左唔少。呢個假期,如果要為皮膚急救一下,SEXYLOOK真係我十分推薦俾大家要一試既面膜。因為我相信你一定會愛上。
   

如果大家都對SEXYLOOK有興趣,可以去佢地既facebook 了解下架~
https://www.facebook.com/sexylookhk/

好喇我既分享到呢度,希望大家鐘意啦~
以上產品由品牌提供試用

Posted in 護膚 | Leave a comment

油份快D out,唔好阻我變靚d@御泥坊

近日我收到著名天然護膚品牌御泥坊既面膜,佢地係本著「至純至淨、御美有方」既理念,嚴選世界各地既天然植物精萃製造一系列臉部天然高效保養面膜。而我今次試用既係水光肌備長炭亮白黑面膜 ,含聚保濕玻尿酸、彈潤膠原蛋白以同抗衰六胜肽,同備長炭黑膜完美搭配透徹補水滋養,幫助肌膚水光縈繞,光采迸湧不盡 。咁神奇? 等我而家馬上試試先~

佢一盒有八片,片都係獨立包裝,而且佢既精華真係好多,多到漏出來,而袋內都餘下好多精華,可以敷埋唔同位置。
 

潔面後,將面膜展開敷係臉部,調整面膜至完全貼合臉部,敷15-20分鐘就ok架喇。

佢既布膜都幾貼面,都幾可以包住所有角度。而且仲好多精華,就算敷完15-20分鐘都仍然好濕潤。
   

敷完之後,仍然有好多精華留係面度,我會加以按摩等皮膚再吸收,多出既我就會出紙巾抹走。馬上見到皮膚非常有光澤,水份飽滿。我本身自己都係日日敷MASK既人,但我個人都鐘意敷黑面膜,因為感覺比較厚身,可以鎖住多D精華。同埋敷完之後我真係覺得皮膚白左好多。十分推介大家一試~~
   

如果大家都有興趣,可以去佢地facebook了解架: https://www.facebook.com/unifonhk/
產品銷售點 :屈臣氏、萬寧、莎莎、Colourmix、Morimor、Angel、千色Citistore

以上產品由品牌提供試用~

Posted in 護膚 | Leave a comment