去過泰國的朋友仔都知道,彿廟周街都係。但當你來到清邁,你先會明白原來寺廟係可以多過香港的7仔。緊有一間喺左近,唔夠! 係總有三四間在你前後左右。天啊!!!咁多寺廟點睇得曬!!!??? 今次介紹兩間印象最深刻的寺廟: 靚到暈的清萊白廟Wat Rong Khun & 清邁本地人最常去的寺廟 Wat Chai Mongkol 呢所白廟其實唔係位於清邁,係位於清邁以北的城市叫--清萊。 要撘3個鐘車先會去到。係好遠車程,但睇相都咁靚了....去到現場,加上藍天,更加係靚到呆....... 點解呢間寺廟的建築風格咁獨特? 其實建築師用左新派藝術方法去打造一間不平凡的寺廟。白廟成功地成為一件出色的藝術品,但冇特別的宗教意義。白廟入面僧侶亦都唔多。相信教徒們都會喜歡去番傳統的寺廟修行。 呢張係網上偷來的 (唔好意思啊) 因為人太多,冇可能清楚地影到入口整條路。 其實呢張相的意景非之好。因為白廟的設計主題係死亡,魔鬼,墮落,等等負面的訊息。而呢張相有好地獄的感覺.... 通道兩側,係骷髏頭同死亡之手....真係睇到都怕怕。 扭曲的火雲。 火雲應該係跟邪神,但今次騰雲駕霧的...是彿祖...... 很有氣勢吧! 門口仲有白火龍!型! 行出寺廟後,轉向左手面,有一個影相絕靚位。 **記住入泰國寺廟要帶定條巾包住下身啊! 主廟背後有幾所平實的建築。 相信係比真正潛修的教徒。 其實個藝術家冇好清楚地解釋點解用魔鬼的主題去建造一間彿廟。可能想反傳統,或者用逆向思維表達"我不入地獄誰入地獄"!? WTEVER.....反正藝術品都係由觀賞者自己領略。但美觀指數的確爆燈! 唔好以為只有白廟內先充滿魔鬼的味道,連廟外的樹上,都吊滿恐怖的頭像 幾鬼多死人頭!!!???? 呢個SIGN,唔止叫你寺內禁止吸煙,直情有種氣勢叫你介埋煙! 再唔介堂..就會好快變成紅色果隻怪獸... 連雪糕筒都係骷髏骨頭!!!! 整個環境真係魔鬼得淋漓盡致!!! 白廟外亦有唔少花圍,金魚池。每一個角落都係用番白火的主題,再加上唔同的怪獸雕塑 呢個係許願的地方 將願望寫好掛在圈上。當願望掛滿了一整圈,就會升上上一層。 嘩!!!好金碧輝煌喎!!! 其實呢個係.......廁所!!! 係咪吹漲? 個設計師花咁多心機去設計廁所.....真係人冇三急都應該入去方便一下 去WHITE TEMPLE,可以從清邁join local tour. tour仲會帶埋你去清萊,金三角其他景點。 由於white temple係出名的旅遊點,人山人海就肯定的。除非住在清萊一朝早8點就來到。如果唔係團撞團都避不了....... 睇完藝術品,睇睇真正清邁local常去參拜的寺廟! 問左酒店的職員,平時大時大節大家會去邊到參拜? 就係呢間 Wat Chai Mongkol 位於全清邁最出名,豪爆的五星級chedi hotel隔離。所以撘篤篤的可以同司機講去上述HOTEL,落車後行30秒就到門口 從OLD CITY行過去約20分鐘 入面有彿教必定會供奉的尖塔STUPA 寺廟外觀主要用傳統金色TONE 四圍都採用一般清邁寺廟的LANNA STYLE建築 仲有神獸幾頭! 清邁人在廟內祈福後,會到廟後的河流餵魚,放魚,表示積德 佢地會用膠筒撈魚,當撈到上來,就會開始念經及祈福,完成後將魚放生回河中。 大人都帶小朋友來積福呢! 幾多膠筒? 相信大時大節真係有好多人黎撈魚呢! 我地都積個德餵下魚先! 經常有人黎餵魚,所以魚仔們都已經醒水,在岸邊等開餐 寺廟位於清邁市內最大的河流側, 餵完魚就可以賞下河,聽聽僧人念經,簡單又平靜的感覺,好似同佛祖親近左。 一所簡單又充滿靈氣的寺廟,值得一去!