如果未買機票出發清邁的朋友仔,選日子時記緊要橫跨星期日! 因為清邁的星期日市集係清邁遊的靈魂之一! 遊走過東南亞的朋友們,應該去過大大小小的市集,NIGHT BAZAAR。但你會發覺檔口都係一式一樣針對遊客的精品。如果有去開曼谷的朋友,係咪間間鋪都賣波波燈,花花頭飾,同埋民族風格的衫褲鞋襪,家俱精品? 但清邁的星期日市集,會見到好多新奇有趣的事物。因為清邁本地人真的習慣逢星期日就去市集入貨。食材如香料,家品如香皂,供奉神彿的祭品,後生女買新衫新鞋,都會來到市集買。呢到唔係呃遊客消費的地方,而係本土清邁居民生活的一部份! 每星期日下午4點打後,全個內城區(WALL CITY) 就會搖身一變,街道開始擺滿檔口。 WALL CITY就係地圖上的深藍色正方形。整個WALL CITY面積約3X3KM 紅色就係主要擺檔街道。 老老實實,我用左5個鐘,都未完整地行曬打橫的兩條街...... 對正面口的MAIN街,有較多檔口專做遊客生意,賣T SHIRT,精品。但主要在頭一段MAIN街而已,當你走遠一點,轉一轉彎,就會發展新其有趣的東西! 人在清邁,星期日夜晚唔洗諗去邊間餐廳食飯。因為MARKET的食肆多到嚇死你。 呢到可以發掘到好多正宗泰北美食!平時入泰國餐廳係冇可能搵到呢!!! 行MARKET個個都會拎住杯野飲。呢到的果汁檔開得成成行成市。 你想要咩生果? 看圖識果吧! 你選左想要的生果杯後,就會即場倒出來在你面前炸汁! 呢個煮鵪鶉蛋的方法真係好有趣..... 而出來的味道就係....鵪鶉蛋味囉... 去到某些食檔前,你唔會明白面前看見的是什麼東東,但牌上只係寫鬼畫符泰文,問老闆時佢只會講一堆疑似英文的泰文努力向你解釋。 TO EAT OR NOT TO EAT , THAT IS THE QUESTION 反正市集四圍都有廁所(可借用廟內廁所,並出奇乾淨),就咩都試下放曬入口。 呢到的大香腸...感覺真係好似你肚入面的大腸.... 我知道泰國特飲係涼粉冰,好多人都鐘意飲.... 但係洗唔洗放咁大舊出黎呢....... 泰式bbq, yumyum! 食泰國粉麵平時都會落番d調味醬汁。但人妻發現清邁人落調味種類比平常見的多! 用的香草調味都比較清新! 泰北口味果然不同! 呢d一袋袋粉仔就好似泰式粉絲沙律,又酸又辣!正! 點擊圖片放大 類似西米糕的物體....其實都分唔清放左咩入口 anyway,甜甜地咸咸地,口感好sticky,唔錯! 經歷一輪掃街後,出奇冇任何異樣!!!!!!感謝神!! 除左食以外,亦有好多檔口賣手工藝品 但好多有趣的精品,特色的衣飾都寫明不準拍照。所以只有少許非食物相片.... 其實見到好多人犯規偷影相,但人妻還是乖乖不拍照,專重一下原創者的努力吧! 點擊圖片放大 +2 呢個咁精緻的甜品杯可以影到相,因為人妻手搞搞震之後有幫襯! 其實有好多店舖只要你幫襯就可以影相。 12泰硃一杯咁平,我地一口氣買左5杯! 以為好睇唔好食,點知冇甜到喊的感覺,每層jelly的味道都配合得好好!食得過! 就算你對SHOPPING冇興趣,呢個市集可以帶比你清邁本土的文化藝術特色。好多LOCAL ARTIST會出來賣藝表演。 上圖的表演最有趣!見佢著住一身警察制服,原來係清邁警局中唱歌最好聽的警員!!!現出來高歌賣藝。吸引到好多人來圍觀。警察都出來做明星!型! 雖然SUNDAY MARKET 走到那裡都見到遊客,但你細心留意,會發現其實身邊最多人講的,仍然係泰文。你SHOPPING或食野時,會有兩三位LOCAL在你身邊一齊問價一齊醫肚。既然地膽都會來,証明呢個SUNDAY MARKET有料到! 如果你愛食,呢個市集隔兩步就有小食店,想試曬所有清邁特色美食?應該要有5,6個星期日先做到。 如果你愛SHOPPING,有幾百間SHOP滿足你。清邁物價相對曼谷低,例如泰國出名的沙灘籐袋,大SIZE在曼谷買約150港紙,清邁開價已經$100,仲未講價。但發覺星期日市集的講價情況相對唔算兇狠。店主通常開價時已經令你覺得可接受。殺半價這回事好難發生。 小貼士** 1) 7點至10點的SUNDAY MARKET最旺最有氣氛,但好多檔口都會開到夜晚11,12點。 2) 如果行到支力,廟宇附近通常會有超平的路邊MASSAGE!可以recharge再搏殺過! 3) 搵廁所的話都係去廟宇附近。或者轉入小路搵餐廳cafe。呢到唔係歐洲,借個廁所用清邁人都好樂意。 4) 狂掃路邊小食後(13,14檔左右),人妻同老公只用左約$400銖,可以用此參考買野食價錢 5)有咩抵買? 人妻發現最多LOCAL買番梘。 原來大家買的都係天然梘。冇化學物料。對皮膚同環境都好。睇一睇價錢,$100泰銖5舊,嘩!即係5蚊港紙一舊。不是吧….香港ORGANIC鋪頭賣緊40幾蚊一舊喎?一掃掃了一年的存貨! 唔好錯過呀!