法國人出名古靈精怪,諗頭多多。走到每一個角落都會比到你surprise。 話說人妻同老公在巴黎鐵塔前的草地午睡 訓到半途,有兩位壯男脫掉上衣,大曬肌肉,做曬熱身,然後在鐵塔前……SET排球網!!?? 點擊圖片放大 OMG,真係冇諗過打排球可以有巴黎鐵塔做佈景版。藍天白雲加鐵塔的絕配下打波,一定打得特別爽。 原本只係兩位猛男亙猜,猜猜下就吸引左好多途人來挑機。短短一個鐘,兩位俊男認識左十幾個新朋友。 人妻唔識打排球,咁鐵塔面前有咩可以做? 咁浪漫…就跳下舞啦! 有鬼佬欣賞拍手掌架!哈哈。 午睡完後,到海邊散步,走著走著,發覺巴黎呢個內陸城市都有沙灘!? 原來每逢7至8月,巴黎都會有沙灘節--Paris Plages 點擊圖片放大 巴黎沙灘節2013的宣傳品 躺在細小的沙灘上,聽唔到海浪聲,見唔到壯闊的海洋。而係面對著巴黎歷史最悠久的島嶼ILE DE LA CITE,島上一連串歐陸古色建築 人來人往的河畔,有人踩單車,有情侶慢步,有一家大細的旅客,有觀光船隻駛過。沒有寧靜的感覺,但看到巴黎城市略影。人來人往,穿插著不同的畫面,故事。 身處在同一處風景,配合不同的活動,感受同體會真係截然不同。 這就是法國人的創意和浪漫吧!