早幾日同屋企人上左大陸一轉, 平時會直接坐直通巴上廣州, 但今次就去佛山。因為中況通之前做優惠, 上佛山來回先60蚊港紙咋!!!!! 雖然上左2日1夜,不過今篇文主力都係講我未去過ge祖廟! 佛山祖廟位於佛山祖廟路, 係佛山地鐵站的祖廟站上, 係百花廣場附近。 就算係廣州亦可坐地鐵, 轉廣佛線就可到祖廟站。 車錢大約人仔$6(廣州黃沙出發)-$7(廣州滘口站出發) 祖廟附近亦有唔少港人投資的商場,唔愁冇野食冇野買。 ----------------------- 祖廟外牆係組紅色, 由於歷史悠久, 問當地人基本都識去。 >>正門 : 門票20人仔! 以當地清費水平黎講,都幾貴。 但祖廟面積幾大, 細心行都可以行1小時。 入去後有當地義工講解團,穿著黃色外衣,識講廣東話~~ 我諗應該係免貴。 不過我地想自己行所以就冇要到義工講解。 不過我個人建議可以一試,因為祖廟有好多古舊建築特色! ---------------------------- 現祖廟主要分成4部分,分別係: 1. 葉問堂--- 佛山出名功夫, 點少得介紹葉問! 葉問堂主要介紹葉問生平, 使用過的日用品。 點擊圖片放大 >>葉問堂門外的兩朵花~~ 2. 黃飛鴻---佛山黃飛鴻唔係唔識呀? 呢一區比葉問堂更更更更大! 除了有一間非常大的古屋, 入面展示了黃飛鴻的生平、甚至與黃飛鴻有關的書籍、漫畫、電影等等。 點擊圖片放大 +2 >> 古屋保全完好 而且有一塊空地,每日定時上演舞獅, 也算是一種祈福的儀式吧! 如從獅子(?) 的口比錢佢,佢會比返一份回禮。 點擊圖片放大 +2 >> >>> 我未試過咁近睇到舞獅~ 人唔算多,所以只係用NIKON Coolpix P310 都影得到, 唔會成粒豆鼓咁XPP >>>表演者全部都好細個,大約10-15 歲~~ 可能由於年紀太細, 隻獅子動畫唔係孔武有力, 但動作好輕巧, 好純熟! 點擊圖片放大 3.最最最最原始的祖廟, 是供俸各式神明、祈福的地方。 地方超大! 建築很宏偉! 點擊圖片放大 +2 >>> 許願池 >>> 黃衣那批就是義工, 正在上堂,聽當地導遊介紹再講解比遊客~~~ >>>紅色的是類似日本繪馬的東西! 還有一個超高的台, 光是台基已有2米!!!!!! 每日由1300-1600/1700都有幾場表演。 不過個日我1300 要坐直通巴走,所以冇睇到~~ 4.孔廟+許願樹 自成一角, 是拜孔子的地方。環境幾靚~~ 許願樹同用假的膠桔, 輕身不傷樹! 點擊圖片放大 +2 ----------------- 就這樣行左1小時有多!!!! 聽媽媽講,佢細個時祖廟只有拜神的地方, 葉問堂和黃飛鴻都係後期加的! 有時間的確值得一去看看!