剛過去的星期一,打風前夕,一起身就見到藍天白雲,最好就係去Disneyland. 入到樂園第一時間就去怪獸大學,比想像中少人排隊,所以唔算排好耐好辛苦. 入到怪獸大學,除左可影相整學生證外,仲有其他影相位,大家不會錯過既當然係同毛毛影相啦! 整完學生證後,就霸定位睇巡遊. 雖然每次黎Disnelyland都會睇,但次次都睇得開心,而且當日天氣好,影d相出黎都特別靚. 睇完巡遊,就即刻去期待已久既迷離莊園. 黎呢度之前已睇過雜誌介紹,原來大宅內有4條不同行車路線,所以大家有時間,不妨排多幾次,玩多幾轉,話唔定次次有驚喜. 迷雜莊園都幾多人排隧,廣播話要45分鐘,但最後排左30分鐘就入到去.入左大宅內有冷氣歎,唔會排隊排到滿頭大汗. 走入亨利爵士既大宅,感覺期待又興奮,之後阿拔打開左神奇音樂盒後,就開始左我地既奇幻之旅. 坐在自動車上,看著搜羅自世界各地的珍品,配合不同的音效,燈光變化和噴水效果,原來都幾刺激.想不到還有少少驚嚇場面,小朋友玩可能會有d驚. 玩完一次之後,已經即刻想玩多次,睇下其他場景係點,不過又要預時間去TOYSTORY LAND玩,所以要等下次喇! 係樂園玩左幾個鐘,夜晚去埋食BUFFET先走. 今次我地去左米奇廚師餐廳,有好好食既長腳蟹,而且啖啖肉,不會太鹽好重海水味.另外沙律,羊架同甜品都好味,最重要係地方坐得舒服,環境不太嘈,我同老公都食得好滿意. 今個SUMMER雖然無時間外遊旅行,但去Disneyland玩左一日,食野買野都同時滿足到我,真係好想快d再去玩多次.