首先想講我哋去旅行唔係去探險和冒險,係去見識美麗既野。一個地方偏僻難去係唔代表果個地方有危險,希望有心去嘗試新野的朋友可以明白! 這個地方係機緣巧合之下係youtube頻道見到,再上網尋找資料,都其實以前有香港傳媒有介紹過。Derawan係印尼其中一個潛水勝地!不過去既交通真係非常繁複,所以鮮有遊客前往。 達拉灣是一個小島,位於印尼加里曼丹省府東部。加里曼丹即係婆羅洲,成日都係國家地理雜誌頻道上介紹保育紅毛猩猩果個印尼省府。 我們今次由香港出發,下午4點半機先飛雅加達。在雅加達機場轉機去巴里巴班,等待轉機時間約5小時。雅加達機場有3個terminal,Terminal 之間有免費接駁巴士。等待時間當然非常不好受,要知道果邊機場真係比較簡陋,搵唔到舒適乾淨可以休息。仲要去到先知原來印尼這個國家係好少地方有得買酒精類飲品。因為穆斯林國家關係,之前立左法例一般的餐廳和便利店都唔可以賣酒,淨係得酒店可以售賣酒精類飲品。 渡過漫漫長夜,天邊破曉時登機。飛行個半小時到達巴里巴班,而要在哩度在等多兩個小時轉機去一個叫百瑞的小鎮。巴里巴班唔係一個旅遊城市,不過本旅遊書就寫住之前哩個城市發現有石油,所以城市發展的超快,個機場新起,又靚又乾淨。去百瑞的飛機係用螺旋槳引擎的小飛機,我第一次坐,機艙好細,有坐私人飛機既感覺。到達百瑞後已是中午,但還未完結。在機場外已有司機等候,是我們預約酒店時book既酒店接送服務。車程3小時先去到碼頭,一路上路面情況不佳,想合眼小睡都有難度。到達碼頭已有快艇等候,在海面(登)多45分鐘,先結束這次崎嶇路程。 到底24小時既艱辛途程係咪值得,在路途上我都非常擔心哩個問題。但踏上這個島嶼後已經將之前24小時既噩夢拋諸腦後!可能有人會話如果要陽光與海灘,馬爾代夫都唔使花咁多時間啦!唔錯,馬爾代夫雖然我無去過,但我都非常相信馬爾代夫係一個好靚地方。而哩個達拉灣既沙灘和景色也未必及的上馬爾代夫。不過哩個地方有好多吸引地方係馬爾代夫未必有,想知係咩就繼續緊貼B&W Travel Life。 我哋今次住既係Derawan Dive Resort ,位置非常唔錯。Resort既飯堂和Lobby建係水上屋上,在橋上當然已經可以望到水底。而水底除左珊瑚和魚類之外,竟然不時會見到身型龐大既海龜遊過!so exciting! 不過去到果時已接近黃昏,所以就唔落水啦。整理好行李就出去搵野食。係哩D偏遠海島上餐飲一般,都係些傳統印尼食物,印尼人信仰主要係伊斯蘭教和印度教,而伊斯蘭唔食豬、印度教唔食牛。所以大部分餐廳只有雞和海鮮提供。雖然有幾間餐廳可供選擇,但提供既食物大同小異。 點擊圖片放大 +4 達拉灣唔係一個灣,只不過哩個島嶼英文名叫Derawan。係一座好細既島嶼,徒步環繞一週不用1小時!一邊佈滿住宿既酒店和有一條Main Street,另一邊則是安靜,美麗沙灘。這個沙灘也是這個島嶼夜晚的遊客聚點,第一晚我們食完晚餐後去果個安靜沙灘尋找哩個島嶼奇妙夜既夜間活動。 To be continue..