第三日,鳥取砂丘! 一黎就衝左去個砂丘博物館先~之後先聽番隻肥貓講,原來當初佢一聽到係「博物館」就覺得伏到不能再伏。 去左之後,見到D咁靚咁宏偉既展品,就覺得黎左真係好~ 講番個博物館,未行到入去就已經見到好多砂雕。博物館每年既主題都唔同,我地去既時候個主題係「北歐」。 有得自己試下整~ 入到去,個空間唔算十級超級大,但入面都放左唔少既大型砂雕。全部都雕得好仔細。點擊圖片放大 +4 可以上一層做個俯瞰,感覺都幾莊觀。呢一層有手信舖,有歷年展品既相片集賣。我地都揀左本。點擊圖片放大 之後就去睇下傳說中既砂丘~個砂丘係海邊黎,好大風,但個日雲都唔多舊,所以都好大太陽。範圍亦都唔係特別大,係行得到既距離。附近仲見到有人騎駱駝。 之後準備走既時候,坐左個纜車番上去巴士站個到。 上到去發覺架巴士岩岩走左,就係巴士站隔離既手信舖食左個晏。都唔錯咖~ 之後番番去市區,就搵路去唐吉訶德,行左起碼3、4個字。個位係勁似外國要揸車去個D OUTLET。而果個範圍都仲有好多其他大型既OUTLET。行左都有2個鐘,買左成3大袋野。拎住佢地行番去車站係一件十分漫長痛苦既事>。< 比起米子,呢到行街可以比較集中D。係米子,唔去酒店附近既AEON,可以行/搭車去另外2個商場(其中一個係高島屋)。行既話一程大約30分鐘,會經過D比較古舊既商店街,好彩既話都可以買到D平靚正雜貨/模型哦~