日本。島根。出雲 DAY2

呢個旅程我地買左張山陰岡山既4日PASS。第二日我地就用左黎去出雲。當初本豬想去出雲,完全係因為係睇《少年陰陽師》知道左呢個地方名,想去睇下。點知原來係日本,出雲係一個出名求姻緣既地方!

車上已經見到出雲既吉祥物。

落車未行到去個出雲大社就已經係表參道買左一袋野~個人認為勾玉就必買既。價錢由大約一千円到幾萬円都有,有平有貴,亦有好多唔同既顏色供大家選擇。

黎到神社都見到STARBUCKS!入面有賣當地既特式杯,有興趣既不妨入去睇下。

終於行到去個入口既鳥居。見到D日本人係鳥居到都會鞠個躬先繼續行入去,我地就決定照辦煮碗跟住做!

行行下,去到呢個出雲歷史博物館。職員好好人,提我地旅客入場費有優惠。入面既說明主要都係日文,所以好多我地都係估估下。我地首先睇左套短片,應該係講《因幡之白兔》。有職完見我地係旅客,仲比左部字幕機既物體我地,等我地可以明白條片講咩~

見到有個展品,即刻諗起《幽靈公主》。職員仲叫我地上去踩下影下相~

博物館有印仔揼!

行完個博物館出番黎再周圍行下,終於見到傳說中出雲大社個條巨大既繩!

再行下去到個社務所,入面掛左D相,影到有D外國政要好似都黎過呢個地方參觀~

出雲呢到真係一個幾舒服既地方,不知不覺就一DAY了~

This entry was posted in 日本, 觀光. Bookmark the permalink.