最後一日,食完早餐帶包囡去ESTA Thomas Station坐火車,玩下機動遊戲~ 包生幫我地拍左Video,而家每次睇親包囡就會講Thomas火車! 點擊圖片放大 +2 側邊有個Playing area可以入去玩,當然要額外畀錢~ 好多Thomas Products~ 點擊圖片放大 +4 玩左陣就番酒店拎行李提早出機場,我地係ESTA底supermarket嘅百味千菜(サザエ)買左飯糰上JR食。雖然係小店,但啲飯糰真係好好味~ 去到新千歲機場諗住帶包囡上左Smile Road玩,點知…包囡瞓左! 先經過Royce~ 去到Hello Kitty同多啦A夢個playing area,我地用力拍、用力搖都叫唔醒包囡! 包囡,你上機先瞓嘛! 點擊圖片放大 +5 Melody同Hello Kitty水泡好得意呀~ 有啲後悔冇買到… 包生有個One World Sapphire,Bussiness check in,有得入lounge,優先登機,仲有block seat 同行李快出,感覺良好! 包生係lounge幾chill~ (不過佢啲拍攝技巧真係有待改善) 點擊圖片放大 其實可以帶多一位guest入lounge,不過唔可能淨係帶包太,掉底包囡係出面。叫包生帶包囡入lounge搗亂好似又唔係太好⋯ 我地班機又delay左差唔多成個鐘,唯有係機場行多兩個圈~(不過架機又係準時番到香港) 隻機係2-4-2,我地PE艙中間3個位。上機後,crew話飛機黎個陣有氣流,中間第二張凳濕左,問我地介唔介意分開坐?Sorry,我介意呀⋯包生同我要夾住包囡坐喎。Crew又offer我地坐bulk head seat,坐bulk head seat包囡會出走,應該會係飛機亂跑,結果個Crew幫我地換左張濕凳去aisle位,仲係上面舖左張毯等我放下野~太好啦! 包囡開餐啦~ 呢程機包囡好叻好合作!自己乖乖玩玩具,睇peppa pig,好似知道坐飛機要坐定定!中途遇到氣流,都拋得幾緊要,包囡即刻衝過黎摟實我,仲喊住講「唔鍾意坐飛機」!慘慘豬~希望包囡大個啲會再大膽啲~ 9日8夜話咁快就完結,希望包囡而家大個啲,會對旅行有多啲記憶,知道爸爸媽媽帶左包囡周圍玩,冇印象嘅,第時叫包囡自己上黎爬下文~