食完早餐出發,經過北海道Fighters店~ 點擊圖片放大 再去東急個邊行,呢邊有小朋友樓層啱睇啲! 包囡對腳又大左啦,買過對新鞋~ 點擊圖片放大 +4 Lunch又上左東急餐廳樓層,呢邊人少啲同埋好似啱食啲。今次食蕎麥麵~ 包囡好鍾意食麵,揀麵最穩陣!不過店入面全部都係老人家…唔通年輕人係唔食蕎麥麵嘅? 天婦羅凍蕎麥麵 鴨肉湯蕎麥麵 蕎麥麵都有小朋友set~ 碗麵size細啲,仲有雪糕添! 食完行左陣tokyu hands,入面有部Name Tag Label機~ 耐熱 & 耐水? 整左張畀包囡,試試先!張name tag仲有個QR code畀你download番個Softcopy,條ink只係valid 7 日,但我過左 7日先留意到個code…嗚嗚… 時間仲早,我地決定轉場。搭左程JR去苗穗(一個站),行5分鐘左右到Ario商場。 http://www.ario-sapporo.jp/lang/tw/ 呢個商場有好多小朋友店,而且亦有Akachan Honpo主店。包生話呢到似荃灣愉景新城… 主打小朋友嘅商場,連BB車都勁啲~ 側邊有個Kids Park,有小型機動遊戲,另外亦有啲小朋友遊玩設施,包太可以專心shopping~ 點擊圖片放大 Akachan Honpo主店,大過新札幌站個間,感覺多野睇啲,行得舒服啲~ 點擊圖片放大 +6 包生手多多玩刻印章機~手寫輸入,刻嘅過程需時17分鐘 其實樓下有個Asobi Park,好似Playhouse嘅地方,幾百¥玩30分鐘,不過我地時間唔多,怕包囡唔肯走,都係唔入去啦~ 夜晚簡簡單單係food court食啲簡單野。 呢個food court好kids friendly,你睇入面啲凳~ 矮矮地,啱哂小朋友坐,有個area係坐地下添。當然唔係全場啲凳都咁mini… 唔好意思,我太想食pepper lunch 啦⋯ 包囡當然繼續係麵~ 食飽飽就番去啦,其實今日應該早啲黎,等包囡可以係呢到玩下~ 下次啦!